雲香園小鍋米線

營業中

休息中

✨作為一個米線狂熱愛好者 經常性都會去唔同地方試唔同嘅米線聽聞尖沙咀有間米線店湯底 每日用六個小時新鮮熬製 聽到呢一點都相當期待 所以慕名去試吓~.✨兩個麵食 一碗熱拌米線 + 小鍋紅薯粉.💫熱拌米線搭配豬軟骨米線根根爽滑有韌勁 豬軟骨處理得十分入味軟嫩中帶著一絲彈牙 每一口米線都掛汁 .💫小鍋紅薯粉配豬扒同樣出色 先試佢湯嘅部份 湯汁濃郁味道帶絲絲嘅肉甜味飲得出係用咗好多時間去熬製 淨係呢個湯底都值得再嚟食紅薯粉口感獨特 軟糯同時嚼勁 豬扒煎至金黃 外皮酥脆 內裡肉質鮮嫩多汁 不柴不靭 十分不錯~.✨小食 .💫涼拌墨魚頭墨魚頭口感爽口彈牙，調味料搭配醬汁 惹味同時鹹香適中，相當開胃.💫黃金皮蛋黃金皮蛋都十分驚喜 用雞蛋製作而成 外觀晶瑩剔透 咬落去口感豐富 外皮彈口蛋心嫩滑 仲見到有雪花圖案.🥤另外我們點左兩杯 美利奶茶 一凍一熱手工港式奶茶 飲落絲本質幼滑 充滿茶香 據知係用不同茶葉混製而成 每啖都充滿紅茶的香氣老闆特意學習如何沖一杯靚奶茶 一杯奶茶配上幾款茶葉巧妙搭配（粗幼茶葉 每一間餐廳都用不同配方）沖調而成所謂正宗茶餐廳奶茶 奶茶需要順口 奶香茶味亦需要同時兼備講返雲

💥 尖沙咀有間真係唔多人識，但食過就會記住嘅米線小店 — 雲香園！我之前聽朋友介紹話佢哋係香港只此一家，於是就特登去試吓，結果真係驚喜到唔得了🙌佢哋嘅酸辣湯底係偏酸為主（我叫咗bb辣），配埋麻辣肉碎，層次好豐富，入口即刻有層次感。米線係偏軟身但煙韌有彈性，真係好食。最正係佢哋嘅豬扒，係原塊連骨上，唔係切片咁簡單，肉質嫩滑又有蒜蓉香，絕對係良心之作！豬腩肉肥瘦均勻，口感層次分明，啖啖肉超滿足👍另外推介佢哋嘅小食豬頸肉，外層微焦，入面嫩滑多汁，啖啖肉香同椒鹽味散發出嚟，好有驚喜感，絕對值得一試🙌我仲偷試咗朋友叫嘅清湯雲香園米線，湯底係老火慢煮6小時，味道濃郁又清甜，瑞士雞翼炆得夠淋，雞絲嫩滑，冬菇入味，整體好有心思。佢哋嘅奶茶都唔錯，香滑又有茶味，唔會太澀，飲完回味無窮🙌鋪頭雖然細細，但人流絡繹不絕，9點幾仲有外賣不停手，喺呢個經濟環境下真係好犀利。想搵間抵食又有水準嘅米線店，雲香園真係唔可以錯過！✨️下次去尖沙咀，不如試吓呢間隱藏版嘅好味道，保證你一試愛上！💯

最近想食米線，被朋友推介咗呢間藏喺尖沙咀小巷嘅雲香園小鍋米線，據講平價又美味，於是就嚟一探究竟👀呢間店離 PolyU 唔遠，門店唔大，但入面嘅裝飾十分溫馨～掃碼點餐 + 服務員國語友好，價錢友好，港留港漂可以放心衝！🍽 ️ 小鍋米線 + 豬皮 + 雞絲因為想食多啲小食，兩人只係點咗一份主食，但係仍然被分量震驚到。酸度辣度自選仲自帶肉碎，巨大一碗嘅米線盛上嚟令我忍唔住確認咗下真係只要34HKD🤯算上豬皮同雞絲嘅價錢都唔到60，豐儉由人數大管飽，酸香開胃，可選嘅辣度又可以照顧唔可以食辣嘅人，怪唔得不斷有客人同外賣訂單嚟！🍽 ️ 秘製豬頸肉帶上秘製兩個字嘅菜式總係別具特色，呢間嘅豬頸肉外皮焦香酥脆，內裡 Q 彈肉嫩，脆上加脆齒頰留香， i 豬頸肉哋必點！🍽 ️ 涼拌墨魚頭第一次食呢道菜，白白嘅墨魚肉藏喺金黃嘅蒜蓉下面，爽脆微涼嘅口感十分適合夏天🤤🍽 ️ 生炸泰式雞翼整體口感有啲偏辣，金黃焦脆，外香裡嫩，色香味俱全～如果你唔知要食咩嘅話就點雞翅膀，呢個係一個絕對唔會出錯嘅選擇🥳兩個人點咗咁一大枱 + 2杯飲品，一共199HKD ，甚至食唔晒，喺紅磡附近上學上班居住嘅大家請唔好放過呢間好食嘅米線！ ！

✨ 尖沙咀呢間米線成日都要排隊‼️✨ 果然係有料！大大份靚湯底！————————————————————🌟 小鍋米線---配料辣度全部可自選，仲有得揀麻酸辣肉食控推薦配腩肉、雞翼，啖啖肉😋湯底小小麻酸辣，配Q彈米線好正！————————————————————🌟 拌紅薯粉---紅薯粉好煙韌，可以揀熱拌或者冷拌～呢款冇湯，辣汁肉碎就更加惹味🔥配魚肉春卷、酸菜、榨菜，好豐富！————————————————————🌟 秘製豬頸肉---小食我就推薦點呢款～豬頸肉口感好爽😗配埋魚露汁食幾香口！————————————————————🌟 凍奶茶---用左自家拼茶葉，茶味果然特別香濃～奶香茶香平衡得唔錯🫶🏻飲返杯凍奶茶解解辣！————————————————————

打風冇野做收工早左，去左平時lunch嗌開外賣呢間 雲香園小鍋米線 醫飽肚仔😋😋咪睇小佢舖仔細細間，真係好多人入座同嗌外賣架😎店家係家族打理ge足料米線店, 野食大大份。開張幾個月已出現排隊情況。其米線更是罕有地引入優質Q彈的廣西原產地米線, 米香四溢。 飲品方面, 雲香園更使用自家拼茶葉, 呢份心機令茶葉味道全港獨有！而且每天更花6小時使用豬骨大火熬制湯底！ 小食我地嗌左涼伴墨魚頭，估唔到咁爽口彈牙，醬汁調配得非常美味😋豬頸肉小鍋米線豬軟骨熱拌米線涼拌墨魚頭凍咸檸七凍豆漿

今日朋友帶我去佢平時返工放lunch 會食嘅米線鋪，間餐廳位置係小巷，但我地2點幾去到都好多人。天氣好熱，我地先叫咗名物涼拌墨魚頭同麻辣金錢肚爽食，開開胃先。墨魚頭爽口彈牙，份量又多。佢個調味非常好食。麻辣金錢肚就最啱我哋啲鍾意食辣嘅朋友，辣得嚟又唔會蓋過牛肚嘅香味，食到停唔到口。涼拌米線就最啱夏天食，冰冰凍凍，加埋啲醬汁，真係一流！我揀左螺旋草，好特別，平時唔係間間餐廳都有，口感爽脆，食落好健康。豬大腸處理得好乾淨，冇腥味，仲好入味添！小鍋紅薯粉朋友揀咗bb辣嘅酸湯底，酸酸辣辣，紅薯粉煙韌又掛汁，食到大家都話正！呢啲酸辣湯底通常一上枱就聞到香味，酸味醒胃，辣味又唔會太搶，開胃又舒服。紅薯粉吸晒湯底精華，每啖都掛滿酸辣汁，煙煙韌韌，食到停唔到口。最後梗係唔少得一杯檸茶，飲落夠晒清新解渴，完美收尾。

早幾日行街行得太遠去左唔知邊度，之後好肚餓，見到有間米線就走左入去食～雖然細細間舖，但都見到附近前後左右都有好多街坊幫襯，夠曬熱鬧。一入到去侍應就俾左QR code 我落單，真係好先進。熱拌紅薯粉（BB辣）個熱拌紅薯粉我揀左豆卜、蘿蔔、雞翼、豆卜、腩肉。佢地俾左好多配料，例如榨菜、雪菜。腩肉佢切得好大塊手拍青瓜汁嘅份量好多，而且唔辣，好清爽麻辣豬耳豬耳好夠冧，汁同青瓜差唔多，味蕾夠曬刺激，汁份量都好多 凍檸茶食左咁多味道層次豐富嘅野，我都忍吾住叫左兩杯凍檸茶，連飲兩杯真係好解渴好爽！

見咁多好評專登去試吓，點知去到一個人都冇，店員都冇，但未到關門時間，咁咪諗住入去等。。。等咗大概一分鐘，個呀姐行出嚟，乜都冇講就做手勢示意叫我哋走，佢講唔到嘢？定趕狗？可能係提出收工啩⋯咁你可以落半閘比人知，態度差到咁🙄

雲香園之前係大角咀食過都幾好食，但可惜執咗，原來係尖沙咀都有一間舖頭細細，但都坐得舒服👍🏻雲香園米線 $65 (必食)一碗米線已有6款餸：鹵水雞翼(超入味) 、冬菇、雞絲、魚肉春卷、螺旋草(類似昆布) 、台灣腸 ，好多芫茜配BB酸辣好開胃🤤正炸雞中翼 $36(必食)生炸雞翼勁好食，雞翼已經夠調味，唔使沾醬炸春卷 $25 (必食)咬落香脆，淡淡芋頭味😋外表平凡，但估佢唔到竟然好好味，好有內涵秘製豬頸肉 $48啖啖肉好大份鹹檸7 $11解熱氣一流熱檸蜜 $11值得再encore👍🏻

今次同朋友們去咗雲香園食米線，真係驚喜到呢！我哋叫咗幾款唔同口味，每樣都試勻晒，真心覺得好正！首先，我嗌咗個「清湯走辣走酸米線」（$65），湯底真係清甜得嚟好有層次，一啲都唔寡，飲落去好舒服。米線煮得啱啱好，彈牙又唔會太淋，配料都好足，尤其係啲豬肉片，嫩滑得嚟仲好入味，絕對係清淡派嘅首選！ 朋友就叫咗「酸辣小小辣米線」（$50），我偷食咗一啖，嘩！個酸辣湯底真係正到爆～酸得嚟好開胃，辣度又調得啱啱好，唔會搶喉，但係個香味就一路喺口入面徘徊。豬扒煎得香脆，肉質又juicy，配埋個湯真係無得彈！ 飲品方面，凍阿華田（$8）同熱柑桔蜜（$11）都唔錯。阿華田濃郁得嚟唔會太甜，而柑桔蜜就潤喉又暖胃，飲完成個人舒服晒～ 最後仲試咗個「肥牛小鍋米線」，肥牛份量多又夠嫩，吸晒湯汁精華，食落去超級滿足！ 雲香園嘅米線真係好高質，湯底同配料都做得用心，價錢又合理。無論你係鍾意清淡定重口味，呢度都總有一款啱你。下次一定會再encore，強烈推薦畀各位米線控！

見到一段影片介紹話米線關注組推介🤯覺得咁勁 一於去試下去到店門口見到旁邊間🍜大排長龍不過今日目標係食酸辣米線#雲香園小鍋米線 門口招牌五光十色 食物相幾吸引💡小店一間 不過環境都闊落餐牌上有多款米線搭配選擇😱小窩米線 涼拌米線 熱拌米線 米線仲可以轉紅薯粉酸辣度方面都有好多個選擇 由BB辣到大辣鐘意食辣 可以選麻酸辣湯 +$1餸都多選題 似車仔麵搭配🫨叫左一個熱拌米線$39 再加左雲吞 $9熱拌米線有花生 榨菜 酸菜 肉碎加上酸辣醬 撈埋一齊好好食😋選左BB辣🔥 好微辣度個人覺得食落酸酸地 幾開胃🤩又大碗幾抵食🤤再叫左個小窩米線兩餸 $52都係BB辣豬軟骨炆得好腍 蘿蔔清甜 冇渣👍🏻同埋多芫荽 好正🥰雲香園小鍋米線 (尖沙咀)尖沙咀漆咸圍1-3號多福大廈地下B號舖

只此一間雲香園, 係門口已經有寫明, 但米線鋪既名好多都改到差唔多, 小編有時都會搞亂 😅 雖然位置係小街窄巷, 但都差唔多坐爆晒。鋪頭有好幾款特定米線, 我就點左最多材料既雲香園米線, 價值$65, 分別有雞絲, 雞翼, 台灣腸, 春卷, 腐皮, 冬菇等等, 本身都堆到滿一滿, 小編額外再加左金錢肚 🤩 除左本身有既食材之外, 相信本身都有肉粒, 碗米線超大碗, 食完飽到頂住左 😬 個湯少酸但小編好滿意, 啲米線唔會好碎, 比起個啲連鎖米線鋪好食得多, 係被世人忽視既好食米線鋪。除左米線, 仲加多左個醬拌黃金皮蛋, 除左有咸蛋味之外, 最鍾意就係加左XO醬, 皮蛋夾埋疑似瑤柱絲一齊食特別好味。

經過尖沙咀韓國街呢頭 發現有間燈光明亮嘅米線店 好奇心俱使下入咗去試試 😀湯底夠底味 完全唔單調 食得出有層次分明 麻酸辣湯都真係明顯食到酸同麻辣嘅麻比出面好多米線店做得出色 係近年食過最好嘅米線湯底 力推麻酸辣👍🏻配料方面墨魚頭爽彈 夠新鮮 份量都唔少 👍🏻👍🏻👍🏻豬扒一大塊好滿足 炸過都幾香口👍🏻👍🏻👍🏻豬軟骨炆得再淋啲就好 但都非常入味👍🏻👍🏻👍🏻東菇好厚身 大大隻好吸湯👍🏻👍🏻紫菜份量足 吸湯 正！👍🏻👍🏻螺旋草有啲似海帶 但係比較薄 都係吸湯之選 必點啦👍🏻👍🏻👍🏻呢間米線店一定會再嚟 湯底 真係做得好好 食過返尋味😋

今晚自己一個人去吃米線。第一次來這店，店內環境舒適衞生。餐牌上的選擇也不少，今次選了這店的招牌米線。雲香園米線（$65）另加豬皮（$9）這米線大大碗，份量不少。而且有多種食材，一碗滿足多個願望：台灣腸，冬菇，雞絲，雞翼，魚肉春卷，螺旋草，腐竹…。雞翼、冬菇大大隻而且很入味。豬皮很彈牙、入味。湯底可選酸辣或清湯，即使是清湯湯底也很味濃。米線軟硬度適中，但落單時也可選米線的軟硬度。油菜（$16）芥蘭大碟而且翠綠凍檸茶（跟餐+8）

#20250502 📝📍 #雲香園小鍋米線 @1mixiam 尖沙咀漆咸圍1-3號多福大廈地下B號舖➖➖➖➖➖➖➖➖➖➖➖➖➖➖➖➖➖#醬拌黃金皮蛋 $27💭 呢個並唔係想像中既尖椒味，佢面頭果啲調味係好熟悉既乾蔥蒜味，撈埋一齊食係幾特別，加埋流心既黃金皮蛋，好好味，另外旁邊有啲浙江醋，點左酸酸地又第2個風味😜.#小鍋米粉 $34 🥢 #豬頸肉 +$18 🥢 #墨魚頭 +$16 🥢 #雞翼尖 +$9💭 本身小鍋入面包左芽菜、酸菜、韮菜、芫荽、蔥、肉碎，一直覺得要有料既湯底先好食，揀左小小辣好易入口，啲餸既份量好多，豬頸肉嫩口，墨魚頭彈牙，雞翼尖滷到有啲焦糖化，仲有麵底可以轉米粉特別加分👍🏼.#雲香園米線 $65💭 如果有選擇困難既朋友仔叫呢個就最岩，一碗裡面有齊甜甜地既台灣腸、超索湯既冬菇、啖啖肉既雞絲、大大隻既雞翼、彈牙既魚肉春卷、海量既螺旋草，食完係好滿足，個胃又暖笠笠，最特別係飲呢啖湯會飲到有啲螺旋草既海帶味，為個湯加添左啲甜味，平時唔易食到🍜.#尖沙咀美食 #🐷在尖沙咀 #🐷_食