影片
營業時間
今日營業
11:30 - 21:00
星期一至六
11:30 - 21:00
星期日
全日休息
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
相關文章
香港米線關注組成員又出動啦🕵🏻♀️見到好多人介紹🤩作為數不盡「雲」字頭☁️米線鋪嘅其中一間，佢一啲都無失禮喎❤️🍲小鍋米線 $34湯底揀左麻酸辣中辣+$1，配料要左豬軟骨$11、豬紅$9，見個湯底顏色已經覺得好惹味，老板話湯底每日新鮮熬煮6小時🫕中辣唔會太辣，米線軟硬岩岩好，豬軟骨Q彈入味，豬紅入味🐷唔錯啊👍🏻🥘小鍋紅薯粉 $37揀左酸辣小辣、豬頸肉$18、雞絲$9，豬頸肉係呢度既招牌🔅有5、6件，豬頸肉食落爽脆同有燒烤香氣，雞絲份量都幾多亦唔會太柴，吸埋湯食更惹味😋湯底嘅酸同辣比例都好好🫰🏻，會比麻辣更開胃🤤🦑涼拌墨魚頭 $47必叫❣️份量好多，成座小山丘咁，墨魚頭大大粒好爽口，最重要係有大量蒜蓉🧄好香好惹味，就算口臭都要食😂🍳醬拌黃金皮蛋 $27黃金皮蛋係我至愛，皮蛋蛋黃呈半流心，配埋蒜蓉食好夾😘🧋凍美利奶茶王 +$8呢度既奶茶係用心之作，溝左幾款茶葉而成🍃係老闆特登去學，食完米線嘆番杯凍奶茶正😌overall:尖沙咀店堂食座位唔多，好多人買外賣，我地之前有食過外賣，覺得堂食質素好好多😆米線湯底惹味，小食出色，可以一戰
繼續閱讀
老友啱啱去完旅曼谷旅行，所以，專登約出嚟食飯傾吓旅行嘢，等佢分享吓旅行點滴，簡簡單單搵咗佢公司附近嘅一間主打小鍋米線嘅小店「雲香園」，睇返往日食評原來無食米線都竟然成年幾有多。小店地方唔大，6張四人枱一眼睇晒，裝修簡單樸實。整晚流轉好快，一枱客走，就一枱客入，亦有唔少外賣單。餐牌一版印晒所有食物，包括各款小鍋米線、配料、小食及飲品。晌鋪面有寫到湯底喺每日新鮮熬煮6個鐘，一陣間當然要試真啲啦。店家採用二維碼落單，喺依家嚟講唔係咩特別事 ，但佢嘅介面就特別多選項，做得都幾細緻，好似米線可以揀爽啲、淋啲、走蔥呀、走芽菜呀……等等選項。美利奶茶王 +$7、凍奶茶 +$8聽個名好似好勁，詢問之下原來喺老闆自己走去學沖港式奶茶，真喺誠意可加，小弟甚少晌茶記以外嘅餐廳飲奶茶，今次就一於試試佢。茶底確喺唔錯，都算幾芳香馥郁，而口感嘅滑度個人覺得仲有啲提升嘅空間，但已經算喺幾唔錯。涼拌墨魚頭 $47呢款涼拌小食真喺勁推介，話就話喺墨魚頭，其實仲有唔少墨魚鬚，堆到滿滿成座山咁，一啲都無手緊，份量十足。最緊要喺啲墨魚咬落好爽口 ，彈牙得嚟又有韌勁，有嚼頭，食落又涼浸浸，加上滿滿嘅蒜香，帶微微酸，好醒胃。牛腩小窩米線 $48小弟今次就專一啲，只喺揀個牛腩小鍋米線，點餐時點餐介面已標明有齊芽菜、酸菜、韮菜、蔥、芫荽， 由於揀咗清湯底，所以就會少咗啲辣豬肉碎，不過加埋大大件牛腩其實都已經好足夠。講返啲牛腩，炆得好鬆化好入味，而啲米線 滑溜爽身，就算清湯都一樣好唔錯，加埋多種配菜，確喺好食又飽肚。雲香園米線 $64老友一向大食又多心，揀呢個招牌嘅雲香園米線就最啱佢喇，因為一碗裏面有好多配料，包括台灣腸、冬菇、雞絲、雞翼、魚春卷、螺旋草、腐竹、芽菜、酸菜、肉碎、韮菜、蔥同芫荽，夠晒大堆頭，非常之豐富。雖然只揀酸湯，但佢話飲落好酸香開胃，仲有就喺啲餸料多到好似食極都食唔完，味道亦好唔錯。無論米線，抑或餸料，都好足份量，整體味道唔錯，阿姐又好好禮貌，眼見張張4人枱都喺坐2、3人，但阿姐都無話逼啲人坐埋一邊等人搭枱，用盡每個位，小店嚟講好難得。所以，我哋都無謂掗住個位，搵個地方飲杯嘢再傾。
繼續閱讀
響米線關注組見到人哋介紹呢間位置尖沙咀韓國街附近嘅米湶小店 放工就過去試 正值晚餐時段 小店座位不多。幸好去到刚巧有位 Q Rcode落單快捷方便 揀個招牌雲香園米線食下先 材料十分豐富 有台灣腸冬菇，雞絲雞翼魚肉春卷螺旋藻 腐皮銀芽酸菜韭菜蔥芫荽 來自廣西嘅米線好滑再配合老火熬煮6小時嘅湯底。再揀也惹味嘅酸辣湯底十分配合。 涼拌墨魚頭 爆多蒜蓉 煙靭带少少酸 非常開胃飲返杯先聽聞老板親身寫學沖奶茶，每杯奶茶都溝幾款茶葉沖製，是茶餐廳奶茶嘅做法 天氣熱叫左杯凍奶茶 香滑之餘有茶味又唔會太甜 雲香園小鍋米線 (尖沙咀)尖沙咀漆咸圍1-3號多福大廈地下B號舖
繼續閱讀
尖東抵食小店！係呢區好少問到非大型連鎖米線😭=舖頭好細所以lunch hour都要等5-10分鐘先有位🙏🏻=🍜||熱拌紅薯粉 $39||+雞絲（$9） +螺旋草（$9）薯粉片幼身爽口，仲有炸醬酸菜！冇話特別驚喜但整體幾香幾入味！可以encore！雞絲比較鞋同埋冇味，不過就可以啱啱好中和麵嘅鹹味👍🏻👍🏻👍🏻螺旋草就係海帶！唔係嗰啲海帶結🙏🏻 爽口好味！朋友叫嘅小鍋米線都幾出色！酸味較重，而米線係幼身&較爽口！少少驚喜😍😍好啱附近返學/返工來食～
繼續閱讀
{🍽️ 香港搵食 🍽️｝ 雲香園小鍋米線 （尖沙咀店）今次黎到呢間價性比極高既米線店 😍😍 超推薦！！我甘鍾意食米線，以後既米線鋪頭list又多一個選擇啦✌🏻✌🏻 雲香園米線超大碗，真係好足料，超誇張！！裡面有紫菜、牛肚、雞絲、豬皮、芽菜、韭菜等等，一個人係食唔曬架😂😂 炸雞中翼夠晒入味，炸到外皮脆卜卜，肉質嫩滑👍🏻👍🏻 正呀 醬拌皮蛋第一次食呢款皮蛋，涼浸浸，夏天食啱晒！！蠔油通菜好新鮮👍🏻👍🏻 全部都好大碟，價錢又抵！！涼心小店👍🏻👍🏻 📍尖沙咀漆咸圍1-3號多福大廈地下B號鋪
繼續閱讀