祥囍煲仔小廚

營業中

休息中

黎到祥囍，緊去食煲仔飯，今日慕名而來嗌咗兩個煲仔飯，一個係白鱔煲仔飯，另外一個就係排骨雞煲仔飯。兩個煲仔飯，一到咗之後就要落少少豉油，跟住冚蓋焗多佢一至2分鐘。咁個煲仔飯就會有飯焦。非常香口。另外仲叫咗豉椒鵝腸椒鹽九肚魚同埋薯仔牛柳粒。全部都不過不失，但係如果話薯仔牛柳粒好食呢我就覺得萬發好食啲。不過食肆係冇完美嘅，如果想食煲仔飯，祥囍可以滿足到喺筲箕灣住嘅人嘅需求。不過最好就要係一早book定枱，因為星期五六日非常多人。叫咗四支啤酒買三送一，性價比非常高的一間餐廳。