非凡小廚 (已結業)

話說揾食真係幾艱難，老公遲收工似乎係極度例牌的事，成日等佢食飯都等到九、十點，食得消夜.... 今日叫做比較幸運，可以八點幾同佢喺土瓜灣會合，本來我哋係諗住食呢頭附近嗰間韓國嘢（之前黎過覺得幾好） ，可惜見到太多人，太肚餓唔想等位，在附近行，路過呢一間餐廳有位，就入去試吓。芥末一口牛我選咗兩道菜，老公就想食芥末一口牛，本身都唔為意，一食落口，芥末果種刺激感簡直衝上雲霄啊！我實在太低估呢個芥末了！一口牛切得幾厚身，牛味幾香，外面香煎過，中間保持彈牙，幾好𡁻， 呢道菜嘅辣度雖然遠超我想像，但係對於喜歡食芥末嘅老公十分之喜愛。 店員都幾好招呼，不時為我地添茶，而且見我食芥末一口牛時想整走啲Wasabi醬，就問我係咪唔食得太辣，於是比碗水我洗走啲醬！干煸粉絲蝦碌煲真係煮得幾乾身幾香嘅，粉絲好入味，煮得軟硬適中，口感幾好。發現呢個粉絲煲都真係好多蝦，夾起啲粉絲見到下邊仲有兩隻蝦。欖菜蜜糖骨幾新鮮的菜式，排骨外面炒到少少脆，不錯，蜜糖落得幾重手，比我想像中甜，整舊肉都索到甜味，至於欖菜，可能份量比較少，未食到佢發揮出來的味道。