壽司郎 (已結業)

家姐早2個月前成功上網訂到位， 今日5點半準時報到， 可能係母親節前夕， 太旺場， 5點半已經唔可以再walk in。 我地1行4人坐低之後就點壽司。 食左吞拿魚腩壽司，刺生蝦壽司， 蔥花蝦壽司等。 難以一一點評， 不如種點說明邊款大家值得一試。吞拿魚腩壽司肥美多油花，一件要27蚊， 但物超所值。刺生蝦都係期間限定， 12蚊2件相比元氣大滿足10蚊件。 壽司郎性價比好高。蔥花蝦壽司， 炸蔥配上沙律醬， 解左炸蔥肥膩感覺，加上大大隻生蝦爽甜， 好食！