至尊滿屋日本料理 (已結業)

親戚係澳洲返嚟，話好想食日本嘢，諗起之前嚟過呢一間食放題幾好，於是帶咗佢嚟。我都擔心第二次會唔會keep唔到水準。一坐低一定係嗌刺身先，點知都未落第二張單刺身已經到咗，超級快上菜，而且數量仲要係啱嘅，放題好多時都做唔到，抵讚。天婦羅蝦勁大隻，長過平時食嗰啲蝦好多，而且唔係好多炸粉，食到淡淡蝦肉。壽司好搞笑，全部都係細細粒，幾貼心，因為咁樣可以食多幾款壽司都唔驚飽。特別推介蒜香黃牛壽司，好香蒜蓉味。燒牛舌同埋燒蝦都好香口，尤其是牛舌，想坐嘅時候仲係好熱架。200頭呢一個價錢，但係有買名牌雪糕食，都幾滿足出面仲有成個雪櫃咁多嘅甜品，好多選擇。