影片
更多
2017-05-18
161 瀏覽
日本料理食泥食去都係刺身壽司拉麵，今次試新嘢，日式傳統釜飯，感覺同煲仔飯好相似，只係材料上嘅不同。奈良上釜位於銅鑼灣登龍街，門口好似日本鳥居神咁，好搶眼，而且門口總會有一條人龍等位，好易認。今次我地去到個時尚早，唔算多人等，但都已經坐滿左，坐左陣服務員話我地我知樓上仲有位，不過係他他米，要除鞋屈膝乎一個種，問我地介唔介意，咁他他米對我地無問題，咁我地就跟服務員行，穿過小巷行條樓梯上去坐低。奈良上釜嘅奈良七盛同依家嘅期間限定蟹盛都係服務員推薦比我地嘅，我地另外再叫多兩個唔同嘅試下，我就叫左個極上釜飯試下，其實服務員都有介紹過呢到嘅蕎麥麵，不過我都係想試下釜飯多啲。前菜係日式豆腐同醃蘿蔔酸梅片，日式豆腐有麻醬，仲有木魚絲，麻醬酸酸甜甜幾清新開胃。醃蘿蔔我不嬲都鍾意食，個醋味都接受到，個酸梅片對我泥講偏酸，可能配飯先食會比較好。刺身都新鮮，而且肥美，而潰物有南瓜蕃薯冬菇，有汁煮嘅感覺，好入味。呢到嘅茶碗蒸贏哂，第一次見到咁多優質食材嘅茶碗蒸，平時食有片冬菇有粒蝦加片魚糕嘅已經覺得滿足，呢到嘅茶碗蒸有三文魚子蟹肉絲鮮蝦肉冬菇，真係好豐富，蛋好嫩滑，啲材料嘅味道完全滲透哂入蛋中。認真講，個釜飯好
今次我地去到個時尚早，唔算多人等，但都已經坐滿左，坐左陣服務員話我地我知樓上仲有位，不過係他他米，要除鞋屈膝乎一個種，問我地介唔介意，咁他他米對我地無問題，咁我地就跟服務員行，穿過小巷行條樓梯上去坐低。
奈良上釜嘅奈良七盛同依家嘅期間限定蟹盛都係服務員推薦比我地嘅，我地另外再叫多兩個唔同嘅試下，我就叫左個極上釜飯試下，其實服務員都有介紹過呢到嘅蕎麥麵，不過我都係想試下釜飯多啲。
前菜係日式豆腐同醃蘿蔔酸梅片，日式豆腐有麻醬，仲有木魚絲，麻醬酸酸甜甜幾清新開胃。醃蘿蔔我不嬲都鍾意食，個醋味都接受到，個酸梅片對我泥講偏酸，可能配飯先食會比較好。
刺身都新鮮，而且肥美，而潰物有南瓜蕃薯冬菇，有汁煮嘅感覺，好入味。
呢到嘅茶碗蒸贏哂，第一次見到咁多優質食材嘅茶碗蒸，平時食有片冬菇有粒蝦加片魚糕嘅已經覺得滿足，呢到嘅茶碗蒸有三文魚子蟹肉絲鮮蝦肉冬菇，真係好豐富，蛋好嫩滑，啲材料嘅味道完全滲透哂入蛋中。
認真講，個釜飯好大，前面啲前菜已經食到半飽，然後一大鍋飯送上泥，個一刻我好擔心自己食唔哂，點知食下食下又食得哂，人果然人類係美食面前，一切皆有可能。材料豐盛，食材嘅味道又係滲哂入飯，加熱再焗一焗，鎖住哂所有食材嘅鮮味，鍋邊鍋底仲有飯焦，唔係太燶，但食落幾過癮。
仲有生果食。
以上一個套餐$268
張貼
