158
21
11
港鐵銅鑼灣站 C 出口, 步行約4分鐘 繼續閱讀
電話號碼
35554111
開飯介紹
一間以日式釜飯為主打的日本料理,招牌菜為期間限定的蟹盛,以松葉蟹製作茶碗蒸及天婦羅,再以蟹肉、蟹膏及蟹籽拌飯,鮮味無窮。 繼續閱讀
營業時間
今日營業
11:00-22:30
星期一至日
11:00-22:30
付款方式
Visa Master 現金
座位數目
40
其他資料
網上訂座
賞訂座積分
加一服務費
有關獎賞計劃
食評 (205)
奈良釜飯 焦點食評
等級4 2017-08-22
3589 瀏覽
上年,一家人去奈良,與「志津香釜飯」擦身而過,甚感遺憾﹗ 當得知銅鑼灣登龍街開設了香港第一間的釜飯專門店,小妹就蠢蠢欲試了。這日中午,與小雞結伴同行,以解口舌之慾。 餐廳門口以搶眼的紅色神社鳥居為裝飾,且放有一個會自動噴蒸氣會打開蓋子的釜飯裝飾,展現出濃厚日本風情外,也挺切合餐廳的形象。餐廳內的佈置,以木色為主,面積不算大,但勝在簡約舒服,頗具心思。 釜飯,即日本傳統鍋飯也,以獨立小鍋,加入高湯、配料、米飯和調味料等製作而成,有點像港式煲仔飯。在日本奈良,釜飯是日常傳統的主食之一。師傅會預先熬煮好湯汁,備用放涼,讓湯汁更為出味。客人落單後,便把湯汁放入小鍋煲煮米飯約15分鐘,讓湯汁的味道融入米飯當中,再在飯上面放上時令新鮮食材,蓋上木蓋,直至把食材蒸熟,且讓米飯盡吸食材精華。 打開餐牌,選擇教人眼花撩亂。我們,集中注意力在包含漬物、煮物、冷盤、刺身、茶碗蒸、味噌湯、釜飯和生果的釜飯套餐上。經過一輪掙扎,終於有決定了﹗ 小雞說,這款茶杯,傾向中式化。不過,個人而言,與這兒的環境也蠻匹配的。 小雞的蟹盛釜飯$298,陣容鼎盛,率先打頭陣的有松葉蟹腳冷物和松葉蟹腳天婦羅。 松葉蟹腳冷物,大廚預先把蟹腳剪開,吃時,只需用上專用的小鐵叉,就可輕易把蟹肉挑出,再蘸點柚子醋吃用。酸酸的柚子醋具有提鮮作用,蘸上後,蟹肉的鮮甜度大大提升,非常醒胃。 先冷後熱,接著,當然要趁熱,把剛炸起的松葉蟹天婦羅,吃掉。蟹肉沾上薄身炸漿,炸至酥脆且香口,入口啖啖蟹肉,且不太油膩,非常好吃。 主角蟹盛釜飯出場了,還有蟹肉茶碗蒸蛋、味噌湯、白蘿蔔漬物和水果。釜飯是以木蓋子蓋著奉客,打開木蓋子,碩大的蟹蓋重重地把釜飯和配料覆蓋。味噌湯喝起來味道挺淡的,普通之作。 碩大的蟹蓋,徒有裝飾之用,增添視覺效果而矣﹗蟹蓋下,放有紅啡色蟹膏,以及大量蟹肉。蟹膏和蟹肉經過調味,味道帶點鹹香,配在粒粒圓潤香糯的白飯上。吃前,先把內裏的材料與白飯攪勻,再把木蓋蓋回飯鍋上,讓釜飯繼續在鍋中燜成鍋巴,也可讓飯鍋發揮保溫作用。 蟹籽蟹膏蟹肉釜飯鮮味洋溢,白飯非常濕潤,香氣十足,吃來軟硬適中。鍋邊的飯焦,不算太多,口感也較為硬實,沒有預期中的香脆口感和焦香。 蟹肉茶碗蒸蛋賣相精緻,材料除了有蟹鉗外, 還有蟹肉、黑松露、冬菇和蟹籽等。蒸蛋入口香滑細嫩,帶有淡淡黑松露香味,再加上蟹鉗味道鮮甜,且啖啖肉的,教人莫不垂涎三尺﹗ 白蘿蔔漬物酸香清爽且多汁,建議可於吃完釜飯後才享用,清一清味蕾。 最後,當然還有水果讓客人清一下味蕾,哈密瓜清甜多汁,士多啤梨甜中帶酸,一甜一酸的味道,可幫助消化。 小妹,點來了奈良七盛釜$288,細心一數,釜飯內有蟹肉、海蝦、鮑魚、三文魚籽、冬菇、白本菇和三葉七款配料,且配上味噌湯和水果。 奈良七盛釜飯,以木盒原鍋上枱,揭開木蓋,淡淡米香撲鼻而來,隨著是一陣陣的鮮味。誠然,這道釜飯,可說是海鮮釜飯也﹗只見鍋內,盡是蟹肉、海蝦、鮑魚、冬菇、白本菇和三葉等配料,三文魚籽則分開奉上。吃前,一如前說,先把食材與飯粒拌勻,再把海鮮飯盛起放入飯碗中,最後加入三文魚籽,即可細味品嚐這一碗鮮味爆燈的釜飯了。碩大海蝦爽口彈牙;鮑魚中間切上細花,以便更易入味,咬落鮮嫩Q彈;三文魚籽晶瑩剔透,鹹香濃郁;蟹肉鮮嫩甜美,菇菌菜蔬則清爽健盈,配上鮮味洋溢且煙韌富嚼勁的飯粒,鮮上加鮮! 奈良七盛釜飯還配有三款刺身,白蘿蔔漬物、冷豆腐配日式胡麻醬和茶碗蒸。 白蘿蔔漬物,鹹酸爽脆;冷豆腐配日式胡麻醬,豆腐嫩滑富豆香,配上甜酸濃香的胡麻醬,再撒上木魚碎,開胃好味;茶碗蒸小小的一碗,材料用上了海膽、蝦、香菇、三文魚籽和鳴門卷等多款材料,層次豐富,口感鮮味。 一碟三款的刺身,甜蝦刺身爽嫩鮮美,油甘魚刺身潤澤鮮甜,吞拿魚刺身入口魚香濃郁。 小妹的釜飯,還有一客看似是福袋狀的豆卜製品,被小雞獨享了﹗ 繼續閱讀
(以上食評乃用戶個人意見 , 並不代表OpenRice之觀點。)
蟹 ... 蟹 ... 蟹 ... 全部都是蟹我們兩個蟹痴就是為了這個全蟹宴《蟹盛》而來 ~~這份蟹盛好豐富,十足十日本旅行時在溫泉旅館食的御膳料理咁 ~~蟹盛 HK$298。松葉蟹腳天婦羅。松葉蟹腳冷物 (熟)。蟹盛釜飯。味噌湯、漬物、生果先從炸到脆卜卜的松葉蟹腳天婦羅開始炸漿鬆脆不油膩,原條蟹腳啖啖肉,滋味無比松葉蟹腳冷物即是凍松葉蟹腳,是熟的蟹腳已經預先剪開了,用蟹棒一挖就輕易將蟹肉挖出來啖啖肉好鮮甜,將蟹肉點一下加了柚子皮和薑蓉的醋,更能突出蟹的鮮味接著到熱盤 ...蒸蛋也有松葉蟹,是成隻蟹鉗,賣相精緻又吸睛主菜 ... 蟹盛釜飯 ... 登場一打開釜飯的木蓋,已經聞到撲鼻的香氣,又見到原隻蟹蓋,真是超驚喜 ...掀起蟹蓋就是蟹盛釜飯釜飯鋪滿蟹肉,仲有蟹籽和蟹膏 ....米飯粒粒分明又飽滿,配上鮮甜的蟹肉、蟹籽和豐腴的蟹膏一起食真是滋味又滿足這鍋釜飯真是份量十足,應該有碗半至兩碗飯食了大約一碗的時候,以為已經飽飽食不下去點知見到鍋底香口脆卜卜的飯焦,一啖接一啖的食下去 ... 不一陣又比我食清光囉 !!!套餐仲有醒胃的漬物、味噌湯和飯後水果** 以上分享是以我的口味、喜好和情況作出分享及感受,一試 / 合用與否請自行決定 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-07
1178 瀏覽
一路睇食評見到d 相真係好吸引,鍾意食海鮮既我點可以錯過😚,未食過釜飯,聽個名都帶點新奇,所以一早openrice 訂定位。6:30 去到直入已經有幾枱食緊, 好彩有訂位咋,一路食都有d人walk in,但要8:30 打後先有得食。 地方唔算大,二人枱同隔離枱真係貼到實一實。最後我地叫左必食既"蟹盛釜飯"同"奈良七盛釜".先黎七盛既前菜,賣相真係好精緻😍見到已經流口水,另外上菜速度亦好快👍🏻茶碗蒸真係超好食,蛋好嫩滑,入邊仲有黑松露,蔥花,蝦,菇,加埋三魚魚子既咸香,多重口感好豐富,真心讚!!另外一碗圓碌碌既係豆腐卜,索滿湯汁,但略嫌太咸了跟餐仲有魚生,要讚wasabi 係磨出黎嫁😍 不過甜蝦鮮味欠逢,其他兩款算ok之後係蟹盛set 既,先黎隻蟹腳,好鮮甜啊,仲開埋個洞方便用個匙羹仔刮d 肉出黎,個蟹醋都好正,另外可以配搭柚子皮食,幾清新。蟹腳天婦羅粉薄鬆脆,啖啖肉都好正。真係想食多幾條另外散叫左個螢光魷魚,第一次食,好得意咬落爆汁咁,但個味好濃食完之後個飯就超快到喇,蟹set 既茶碗蒸有大大隻蟹鉗,正😍😍😍😍最期待既釜飯出場喇,真係好熱辣辣!打開真係好吸引,超多蟹肉,蟹籽同蟹膏!一打開已即刻撈撈佢,但個邊都已經變左飯焦lu, 本身對呢個飯期望好高,仲以為係會濕d 同粒粒飯都索滿湯汁,但其實係好乾下。 蟹膏最正最鮮,幫個飯加番分。可惜係蟹肉其實偏淡唔夠鮮,而佢d 飯又真係好多。撈埋之後感覺好似食無餸飯咁,個人認為有d 寡。七盛其實同樣都係一樣問題,d 蔬菜本身其實無咩味。鮑魚幾大隻都ok, 不過隻蝦好睇唔好食,好乾同埋唔鮮甜,係加左三文魚子既咸香先覺得好食d.飯整體黎講一般般,連我個對食要求不高既友人都覺得個飯無講到咁正,不過試一次無妨。要講多次,茶碗蒸係正既👍🏻 繼續閱讀
(以上食評乃用戶個人意見 , 並不代表OpenRice之觀點。)
釜飯好滋味😋 焦點食評
等級4 2017-07-27
3613 瀏覽
呢間專食釜飯嘅餐廳已經高倨OpenRice餐廳排行榜頭幾位一段時間,但次次經過都有人龍今日終於的起心肝,早少少收工,六點鬆啲就已經到咗,今次終於唔使排隊啦!屋囗有個大大個嘅釜飯,出哂煙的,實唔會認錯!入到餐廳,裝潢簡單,以木色為主調,頗有日式風格!餐牌有唔同嘅釜飯同蕎麥麵餐可以揀,而且每個餐仲包咗幾個前菜、茶碗蒸、味噌湯同水果,非常豐富!我地今晚就揀咗奈良七盛同埋蟹盛兩個餐。前菜打頭陣出現了。三款刺身好幾新鮮,而且是厚切的刺身,味道和口感都很不錯。漬物、凍豆腐和茶碗蒸賣相精緻,茶碗蒸尤其美味,蛋蒸得嫩滑無比,加上高湯調味,好正蟹盛的前菜有凍松葉蟹腳和松葉蟹腳天婦羅。凍蟹腳雖不是超級肥美,但蟹肉卻是很鮮味的,而且餐廳提供了輔助食蟹的工具,輕而易舉就能吃到鮮甜結實的蟹肉!蟹腳天婦羅是超讚的,啖啖肉,而且天婦羅炸得香脆乾身,一點也不覺油膩吃完前菜,主角就出場了。每個set都係好日式嘅presentation,整齊精美。個蟹釜飯俾成個蟹蓋遮住曬,睇落平平無奇揭開個蟹蓋之後就發現內有乾坤,除咗有顏色鮮艷卜卜脆嘅蟹子,最正係有勁多蟹肉同埋好多蟹膏食咗少少蟹膏,真係又咸又鮮味!之後將所有材料撈勻,就成為咗非常美味嘅蟹釜飯!蟹餐個茶碗蒸仲有隻蟹鉗,令個茶碗蒸更好味奈良七盛釜飯好多海鮮!有蝦有蟹有鮑魚,真係非常豐盛。有咁多海鮮一齊煮嘅釜飯,味道當然非常鮮甜啦!不過食完啲海鮮之後,得返啲蟹肉撈飯,味道就有少少偏淡。兩個餐都有跟少少水果,甜甜地又健康!釜飯原來咁正,唔怪得奈良成日有人排隊食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-27
2710 瀏覽
原本不經不覺我已經寫了超過100篇食評,到邁向100篇佳績一定要分享我之愛日本野😘。門面已深深吸引我,尤如身在大阪奈良。紅角的廟宇門匾真是signature!入面餐牌招牌以釜飯為主,每個餐配上漬物、前菜、煮物、茶碗蒸、刺身、味增湯及生果。蟹盛應該係餐廳王牌,餐配松葉蟹腳天婦羅、蟹腳冷物、漬物、蟹茶碗蒸、味增湯及生果。如果想經濟可以叫天婦羅蕎麥面百幾元有交易。我一定叫蟹盛($298)是我之愛。松葉蟹天婦羅非常鮮甜及脆囗,外脆內軟多汁正。到泠物蟹腳食法有少少似潮州凍蟹感覺。點上酸酸地汁再加姜絲蓉更顕美味。到個蟹飯出現!嘩、嘩、嘩好期待!揭開過木蓋是一個蟹蓋飯。再揭開是大量蟹肉、蟹子、蟹膏再攪拌一起進食。由於器皿比較保溫,食到底到是熱烘烘及真的在底部有少許飯焦,這是我之愛,可為指甲留香。極上斧($268)頭盤有三品刺身,非常鮮甜開胃。麻醬豆腐滑。熱食豆粕都入味。個黑松露蝦茶碗蒸又滑又嫰好美味。極上斧有蟹肉、鰻魚、嫰雞、菇及另上飛魚子。攪拌食更豐富我味蕾。我朋友十分滿意決定下次生日飲會帶他男友再光顧。 繼續閱讀
(以上食評乃用戶個人意見 , 並不代表OpenRice之觀點。)