Say Cheese (將軍澳中心) (已結業)

記得第一次去Say Cheese，真係好正。服務好，食物又好味，果個龍蝦意粉真係好味又抵食。100%值得一試再試的！但係今次再去，就有DDD失望囉。冇左好抵食既龍蝦意粉，第一碟上既炸豬扒薯條重要附送鐵絲雖然職員態度係好好，Say sorry又即換個碟比我地，但真係印像分大減囉。第二碟炸豬扒薯條，樣係幾靚，不過冇味既...唔好食囉。相比起黎，炸魚薯條就好味好多囉。炸魚薯條同意粉，我唔記得影相呢...食晒先記得影。炸魚同意粉都係好味既，係豬扒冇味差DD。凍果茶，跟餐的。。真係幾好飲又抵。講真，除左豬扒，其他食物都係好味既。不過衛生方便....就真係要諗諗....點講都叫做比我地見到大大條鐵絲痴住炸豬扒。果Ｄ係擦Wok果Ｄ鐵絲球，即係呢....佢洗過乜？跟住點解豬扒會痴住依D鐵絲呢？就真係諗諗先啦。