365
125
43
等級2
14
0
第一位嘅米線舖❤️
2021-06-13 305 瀏覽
上年已經好想嚟試，嚟過2次都食唔到！一次嚟就係佢星期三休息，摸門釘！另一次就係太多人所以冇等到！今次一支公，又入開嚟荃灣，就再試吓排隊食啦！星期日夜晚7點幾到，排5分鐘就入得！嗌咗4個餸，炸雞球，豆卜蝦滑，雜菌，同埋健康有營，蒙古小辣湯底！再加多罐汽水，盛惠$85！好鍾意呢度啲米線冇韭菜！配料又多，有好多肉碎、芽菜！豆卜蝦滑-呢個勁好味！有豆香，又炸到卜卜趣！炸雞球-唔鞋，但又未去到好有驚喜！健康有營-原來係腐皮同蕃茄，下次唔會再叫！因為個番茄同蒙古湯底唔夾！雜菌-大路嘢！蒙古湯底，有淡淡孜然味，嗌咗小辣，真係食到個嘴都好麻痹，但又好惹味！呢度有冷氣，服務態度幾好，一定會再嚟幫襯！
更多
上年已經好想嚟試，嚟過2次都食唔到！一次嚟就係佢星期三休息，摸門釘！另一次就係太多人所以冇等到！

今次一支公，又入開嚟荃灣，就再試吓排隊食啦！星期日夜晚7點幾到，排5分鐘就入得！
嗌咗4個餸，炸雞球，豆卜蝦滑，雜菌，同埋健康有營，蒙古小辣湯底！再加多罐汽水，盛惠$85！
好鍾意呢度啲米線冇韭菜！配料又多，有好多肉碎、芽菜！
豆卜蝦滑-呢個勁好味！有豆香，又炸到卜卜趣！
炸雞球-唔鞋，但又未去到好有驚喜！
健康有營-原來係腐皮同蕃茄，下次唔會再叫！因為個番茄同蒙古湯底唔夾！
雜菌-大路嘢！
蒙古湯底，有淡淡孜然味，嗌咗小辣，真
係食到個嘴都好麻痹，但又好惹味！

呢度有冷氣，服務態度幾好，一定會再嚟幫襯！
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食