影片
更多
2018-01-29
4798 瀏覽
如果免費讓你在半島酒店吃一次免費餐, 你會選擇在那一間餐廳? 醒目仔的你, 當然會揀最貴的那間, 那一間是最貴? 段估 都是法蘭西菜吧..., 法蘭西餐廳最貴, 那最平會是那一間呢? 如果以平均消費來算, 應該是嘉麟樓吧, 所以, 我很豪氣地請了同事去半島酒店食飯, 但又想慳錢, 來嘉麟樓飲中茶, 平均每人二百幾元就攪掂.安排上一層的雅座. 就是我豪氣地講了句: "... 半島酒店食飯, 我請!!"但姑孤寒成性的我, 又點會捨得呢.., 所以 攪盡腦汁, 算盡辦法, 來嘉麟樓午市飲茶, 兩位, 六件點心, 連茶錢, 四百八十, 還要用有85折的獅子銀行信用卡找數, 最後每位只是二百三十元, 簡直係超值... (窮L唔好流口水...)餐前小食是蜜餞合桃, 高級酒樓, 絕不吝嗇, 差不多是超市五十元的包裝份量, So..., 區區五十元而已, 每件點心收貴些少就打個和了, 哦... 還有那... 每位三十二元的茶錢... , 老友提醒我, 前幾個月去過 位於太空的天龍軒, 茶錢是每位六十元正. 係..., 現在只是一半價錢, 我當堂覺得... 太便宜了..! 哈..哈..哈...正是那..
如果免費讓你在半島酒店吃一次免費餐, 你會選擇在那一間餐廳? 醒目仔的你, 當然會揀最貴的那間, 那一間是最貴? 段估 都是法蘭西菜吧..., 法蘭西餐廳最貴, 那最平會是那一間呢? 如果以平均消費來算, 應該是嘉麟樓吧, 所以, 我很豪氣地請了同事去半島酒店食飯, 但又想慳錢, 來嘉麟樓飲中茶, 平均每人二百幾元就攪掂.
安排上一層的雅座. 就是我豪氣地講了句: "... 半島酒店食飯, 我請!!"但姑孤寒成性的我, 又點會捨得呢.., 所以 攪盡腦汁, 算盡辦法, 來嘉麟樓午市飲茶, 兩位, 六件點心, 連茶錢, 四百八十, 還要用有85折的獅子銀行信用卡找數, 最後每位只是二百三十元, 簡直係超值... (窮L唔好流口水...)
餐前小食是蜜餞合桃, 高級酒樓, 絕不吝嗇, 差不多是超市五十元的包裝份量, So..., 區區五十元而已, 每件點心收貴些少就打個和了, 哦... 還有那... 每位三十二元的茶錢... , 老友提醒我, 前幾個月去過 位於太空的天龍軒, 茶錢是每位六十元正. 係..., 現在只是一半價錢, 我當堂覺得... 太便宜了..! 哈..哈..哈...
正是那...一位三十二元價錢的靚茶: 鐵觀音..., 我未曾嘗過 味道這麼淡的鐵觀音, 但一想起這麼貴的茶錢, 心理認知影響感覺, 總覺得特別好味 (你未聽過"消費認知心理學"這種理論咩!?!? 唔係化!? 咁... "消費者通常都係OnNine" 你聽過喇啩!! ...哈哈哈哈..)
坐在樓上的一層, 向下望, 只有三、四成檯是坐了客人. 今早致電訂位, 接電話的那位姐姐, 十分有禮貌的向我說明, 一時前沒有檯, 但我們是十二時五十分到的, 心裡想著, 以為必定全店月滿座, 還要等一下才有檯. 怎知...來到時, 竟然只有幾檯坐著客人. 估計應該是酒店政策, 必須預留一定數量的座位, 給沒有訂位的客人, 隨時可以入座. 
筍尖鮮蝦餃 (四件) $72. 上檯時的樣子, 與一般酒樓無異, 算是飽滿, 但蝦餃的外表模樣...其實差過利苑, 利苑的蝦餃, 比這裡的要細一點, 正是那些蝦餃專家(係! 地球上有好多不同行業的專家, 好似還有腸粉專家... 叉燒飽專家...), 他們話可一啖入口的, 才是大小正宗的古法蝦餃, 而且隻隻大小要相同, 蝦餃摺也比較明顯. 但這店的蝦餃雖大, 但做摺的手功, 好像較為粗糙一些, 而且蝦餃皮的上下表口位, 未壓得太實, 用筷子夾上來時, 容易爆口.
嗱..., 不是我吹水, 真是一夾上來就穿了, 你一定會以為是我的筷子神功 未練得夠日子吧, 但我可以負責任地告訴你, 我的筷子功力, 絕對已經練到 火雲斜神級數, 可以只用筷子, 就食晒成碟揚州炒飯, 絕對是一粒飯都不留碟. 
松茸帶子燒賣 $69 (3件), 高級酒家, 通常點心選擇都不多, 連平常無大興趣的燒賣也來一籠. 要收高價, 當然不可以只有一般酒樓的豬肉和蝦吧..., 放翻一粒帶子 (其實是半粒, 中間橫切擋開, 應真慳家), 訂價當堂可以升百份之五十, 如果想再升夠一倍, 在香港生活的閣下, 無理由不知道... 醒目老闆做生意手法吧..., 把那半塊帶子, 換了粒小型鮑魚, 雖然成本高貴了少少, 但訂價可以高一倍, 絕對是本少利大, 那為什麼此店不做呢? 原因可能... 是老闆有良心囉.... 哈哈哈哈哈...
原隻鮑魚酥 $68(一件), 生意人與消費者講良心..., 真是何其感人的劇情... 哈哈哈..., 哪... 就咁樣樣... 無論如何高檔的酒樓, 出品的點心, 通常只會有一款點心用原隻鮑魚做食材, 因為, 就算有兩款以原隻鮑魚做食材的點心, 每位客人都只會消息其中一種, 這個數口, 生意人當然清楚. 講翻這件鮑魚酥, 賣相靚過"阿一海景飯店"的出品, 阿一海景飯店的鮑魚酥顏色, 偏沉和啞色, 沒有這店的光彩精神. 而質素方面, 鮑魚有鮑魚味, 令人有驚喜(係... 你無聽錯, 現今食材, 有食材的味道, 絕對是值得驚喜的事...絕對無誤), 至於口感, 當然也有鮑魚的彈牙級數. 最後就是..., 到底鮑魚與撻餅有幾夾呢?? 
我很誠懇告訴大家, 兩者的口感, 鮑魚的彈性與撻餅的粉口, 一點也不夾. 首先, 口不夠大, 無法把全隻鮑魚酥放入口, 唯有從小角開始, 第一啖咬開了上部份的鮑魚, 跟隨再咬下部份的撻餅, 不需描述, 你也想像到, 餅底碎裂, 大量粉末, 食到最後, 要用小掃把, 把碎粒和餅粉掃入小垃圾鏟... 無論如何, 鮑魚最好的點心拍檔, 我只會選燒賣. 另外, 大家熟悉的蛋撻底, 有酥皮底蛋撻和曲奇餅底蛋撻, 鮑魚酥通常都是用曲奇餅的撻底, 真是一點兒也不"酥"....
匈牙利鬈毛豬叉燒包 $78 (3件), 齋睇個名, 都知到夠晒高檔了..., 小弟見識少, 即刻上網睇睇... 匈牙利鬈毛豬到底是嘜家伙? 網上介紹, 一種名為 Mangalica 的匈牙利豬, 外貌十足綿羊, 全身都是厚厚的鬈毛, 又肥又圓, 好可愛, 最後讀到一句: "這品種的群體數量有所下降, 為稀有品種....." 吓...!! 咁還拿來食用!!?!?! 南無阿彌陀佛... btw..., 件叉燒包真係好好味...
這件用匈牙利鬈毛豬做的叉燒包, 雖然我食不出是用甚麼豬, 但我相信, 世界上絕對有叉燒包專家可以食得出, 你問我, 為什麼不是豬肉專家? 而是叉燒包專家? 原因很簡單, 叉燒包專家是高一級別, 可以在撈了醬汁的叉燒後, 仍可以食得出 .. 由匈牙利鬈毛豬做的叉燒, 與港大醫學院微生物學講座教授最喜愛的揀丹麥豬做的叉燒的分別, 你認為是不是高級很多呢?! (呢段... 自己睇翻, 都覺得可以被選入openrice十大食評廢話系列...)
鮑粒珍珠雞 $63 (每件), 珍珠雞長形細件, 通常以三件一籠上檯, 而糯米雞則屬方形兼一大件..., 眼前這件, 明明就是糯米雞, 我應該無攪錯吧... 攪得我有少少亂..., 無所謂, 最緊要好味, 這件大型珍珠雞, 做得的確好, 糯米沒有痴埋一舊舊, 用筷子叉開時, 糯米保持粒狀, 入口也不覺糊口, 餡料...., 食完整件才留意到餐牌上寫的"鮑粒"字眼, 又是果句, 唔講唔覺, 講完...又真係好似有"鮑粒"... 哈哈..
食完後, 由中間的又長又斜的樓梯往下走, 就是港女宅男常講的..., 一生人必要去一次的半島下午茶大堂, 即那種英式三層架載著... 例如三文治、蛋糕、鬆餅等食物, 我向你保證, 這些食物, 是你吃自助餐時 永不會取的, 但在這環境下, 又偏偏吃得很滋味喲..., 半島大堂真是一個很神秘的地方... 只要在半島大堂, 比X你食 都會好好味.. 應該係...
張貼
