心悅美食

營業中

休息中

屋企附近食肆選擇唔多，食早餐除左去集團式快餐店，就只會去街市熟食檔，入面有3檔。雖然有2檔茶記，但食物質素同埋態度真係幫襯唔落剩下1間就係粥店，亦係我每星期會食1~2次早餐既地方。粥店由1對夫婦經營，男主內(煮食)女主外(落單送餐)，2人好有默契，對客人又親切有禮一直以為店主以前做開粥店，一問先知原來因為佢仔仔好中意食粥，所以不斷研究烹調技巧，最後仲開埋舖添由於時間關係，有時會先打電話落order,落到去就有得食，好方便早餐想食清d，多數會點粟米肉碎粥，用豬骨做粥底，煲出黎又夠綿。炒米粉:椰菜絲紅蘿蔔絲、蛋絲，濕度適中，唔會乾憎憎。另外，呢度既牛肉腸粉都係推介既腸粉有摺紋，厚度適中，牛肉足料