極尚大瀛喜日本料理

營業中

休息中

今日同老公嚟呢度食放題，最想食嘅魚生，好新鮮，有三文魚、吞拿魚、油甘魚、帶子、希靈魚、鮑片……我哋唔食生蝦，見到其他人食好多甜蝦及虎蝦。原來熟食都唔錯，有蠔皇花膠，堅。熱辣辣燒菠蘿、燒鰻魚、燒釀雞翼，正呀！花之戀壽司、芝士鰻魚玉子好香口、炸豆腐、芝麻雞翼、榴槤炸彈、芋頭波，最喜歡榴槤炸彈，外面香脆，內裏榴槤蓉會流出來，芝麻雞翼也是值得一讚，極香口。串燒牛舌、燒羊架，燒得好香唔韌。天婦羅有蝦、南瓜、蟹柳、牛乳……, 還有一口牛，好入味。鹽燒大蝦及沙律焗大蝦，仲嗌咗燒鯖魚及汁燒比目魚。其實仲有好多壽司、軍艦、手卷，食唔到咁多飯所以冇叫。飲品甜品區包羅萬有，軟雪糕、雪條，也有熱飲，仲有好多熟食小食。店員收碟嘅速度極快，限時兩粒鐘。這裏很受歡迎，食完走嘅時候門口大排長龍。