唐述

營業中

休息中

話說呢間IFC嘅中菜一直都係我收藏名單之中，今日終於有機會去一試啦！佢哋個裝修真係好靚，長長嘅走廊就好似一條時光隧道，比我一種穿越花嘅唐朝嘅感覺！呢間餐廳中午係食半自助點心buffet，六百幾蚊就可以任食高級點心，我覺得性價比都算幾高！花膠螺頭姬松茸竹絲雞湯套餐包咗一個燉湯，個燉湯好滋補，可以飲得出係經過長時間熬製嘅！裏面嘅花膠好大塊，竹絲雞又燉得好入味！佢哋嘅前菜好impressing，擺盤靚之餘，味道都好正！最令我念念不忘嘅係20年古月龍山浸鮑魚，鮑魚本身很彈牙，而且使用高級的古月龍山花雕酒浸泡，每嚼一口都有濃濃的花雕酒味！佢哋個孫蕎頭都好正，酸甜適中，好開胃！而且口感好清爽，咬落去索索聲！蕃茄一口爆汁！然後就有一浸濃濃嘅陳皮味襲來～任食點心系列，我哋叫咗整整一台，而且全部都食晒，我見佢哋啲點心真係好好好味！個人最喜歡嘅係小籠包，我哋encore咗兩次哈哈！佢哋個小籠包皮薄裏面有好多肉汁，但咬落去爆汁嘅感覺真係好正！主菜部份我哋一人揀咗一種，朋友揀嘅係香蔥焗鱈魚，一上枱香蔥味就超級濃，個鱈魚都好軟滑！我就揀咗金栗炆龍蝦，個龍蝦好大隻，肉質彈牙，而裏面都有好多好大粒嘅栗子，食得好過癮