201
7
5
| 餐廳: | 唐述 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
港鐵香港站 F出口, 步行約4分鐘
繼續閱讀
電話號碼
68092299
開飯介紹
唐述的「述」，有敍述的意思。唐述透過形、念、事、物 四個面向，以煥然一新的方式，演繹中菜的飲食哲學，創造一系列看似熟悉，而又充滿驚喜的玩味菜式，重新定義品嚐中菜的體驗。用餐以外，唐述亦設有酒吧，將會不時推出以中式食材為主題的特別調酒，並為菜式設計雞尾酒配搭，為客人帶來不絕驚喜。
繼續閱讀
附加資料
Cocktail available from 9pm
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*星期一至五午餐最後落單時間: 14:30 星期六、日及公眾假期午餐最後落單時間: 15:00 晚餐最後落單時間: 21:30
以上資料只供參考, 請與餐廳確認詳情
優惠
| 餐廳: | 唐述 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
最近畀身邊嘅朋友燒著左 book左ifc嘅唐述 食左一餐可能係暫時食過最貴嘅中菜 用9道菜細味人生甜酸苦辣甜椒醬蟶子皇好少食蟶子做嘅冷盤 落左乾冰 一放上枱個賣相好豪華 大廚好細心將蟶子皇切段方便食用 配上微辣開胃嘅甜椒醬為今餐打開序幕前菜三弄：百香梅茄、三絲海蜇、20年古越龍山花雕浸鮮蝦三個前菜味道各具特色，個人最深刻係百香梅茄，食到淡淡嘅百香果味，酸酸甜甜幾開胃；平日食開嘅花雕蝦通常都係熟蝦，第一次食到用剌身浸，20年嘅花雕果然係比一般香淳；三絲海蜇則屬於正常發揮杏汁肆菓燉螺頭湯食完冷盤係時候暖下個胃 睇到menu勁好奇會用上邊四款蔬果入饡除左冬瓜同南瓜，勁驚喜第一次飲湯會落西瓜同蜜瓜，但配杏汁螺頭又出奇地夾，有一刻差d傻傻分唔清係飲緊湯定食緊糖水，係當晚其中一樣我最鐘意既一道菜蟬衣玉帶將原粒帶子酥炸，再配上濃郁既醬汁，保留到帶子既鮮嫩珍寶珠清新小品用黎清一清味蕾，好香番石榴味，味道有少少似食緊雪芭海苔蔥燒銀鳕魚銀鳕魚外皮包左脆皮炸香，外脆內嫩，做法有d似椒鹽豆腐最鐘意面頭既炸京蔥，好甜荷香子薑欖豉醬蒸雞食完兩個炸物就食返蒸點，不過小妹本身唔太鐘意食欖豉醬，所以覺得味道中規中矩魚香手功寬麵用上魚香茄子既醬配上手功寬麵，麵質唔錯有d似食緊意大利闊麵，好fusion既一道麵食，個人幾鐘意香芒雪燕烏豆花最後一道甜品，以酸酸甜甜嘅芒果配搭滑溜既雪燕同烏豆花作結
繼續閱讀
今次來到位於IFC嘅唐述食精緻中菜！餐廳主打有創意玩味嘅中菜！店內裝修奢華有氣派，坐近窗邊嘅位置仲可以望到海景添～🌟世味人生套餐🌟✨餐前小食調味腰果～✨甜椒醬蟶子皇第一次凍食蟶子，味道微甜微辣～✨前菜三弄有百香梅茄、三絲海蜇及20年古越龍山花雕浸鮮蝦，十分醒胃～✨杏汁肆果燉螺頭湯螺頭湯加咗果物同埋杏仁汁，湯底嘅鮮甜更加突出～✨蟬衣玉帶外層嘅炸粉做到好薄，就好似蟬衣一樣！內裡嘅帶子鮮甜彈牙～✨珍寶珠係石榴味嘅雪葩加桃膠，比人清一清味蕾再繼續細味之後嘅菜式～✨海苔蔥燒銀鱈魚銀鱈魚係用海苔粉包住再拎去炸，外皮香脆，魚肉保持嫩滑，帶有海苔嘅香味！表層灑滿咗脆脆嘅炸京蔥，口感豐富～✨荷香子薑欖豉醬蒸雞雞肉嫩滑入味，底層仲有軟腍嘅節瓜，味道有驚喜～✨魚香手功寛麵秘製嘅魚香肉碎配搭Q彈可口嘅手功寛麵，滋味十足～✨香芒雪燕烏豆花香滑嘅淺藍色豆花配搭香芒同雪燕，係一款充滿夏日氣息嘅甜品～
繼續閱讀
餐廳裝潢華麗典雅，融合現代與東方美學，燈光柔和，營造出低調奢華的氛圍。餐廳主打新派中式料理，在傳統粵菜基礎上加入創新元素。配紅酒，一流。⭐️慢煮九層塔蟶子皇一上桌就令人眼前一亮，煙霧下，蟶子肉厚實鮮甜，搭配泰式九層塔和孜然調味，清新開胃。 ⭐️前菜三弄櫻桃蘿蔔醃得酸甜爽脆，開胃解膩；三絲海蜇** 爽口彈牙；風乾醬香鵝翼肉質緊實，醬香濃郁，越嚼越香。 ⭐️金腿雪燕烏雞羹這道湯品用料十足，烏雞熬煮出濃郁膠質，金華火腿增添鹹香，雪燕滑嫩，滋補養生，每一口都是精華。⭐️脆皮海參•鵝掌 是今晚的驚喜之作！海參外層裹上台灣竹炭粉炸至酥脆，內裡仍保持軟糯，搭配秘製醬汁和燜煮入味的鵝掌，層次豐富，創意十足。 ⭐️珍寶珠造型可愛，士多啤梨雪葩酸甜清新，搭配桃膠啫喱，口感豐富。 ⭐️潮式老菜脯蒸鱈魚鱈魚肉質細嫩，老菜脯的鹹香滲入魚肉，簡單卻見功夫，鮮味十足。 ⭐️胡椒香蔥生煎雞選用走地雞，雞皮煎得香脆，肉質嫩滑，黑胡椒和香蔥的辛香惹味，鑊氣十足，配飯一流。 ⭐️花膠蝦湯稻庭麵蝦湯濃郁鮮甜，花膠厚身軟滑，稻庭麵吸盡湯汁精華，每一口都充滿海洋的鮮味！ ⭐️雲石奶凍黑芝麻與奶香的完美結合，口感細滑，甜度適中，芝麻香氣濃郁卻不膩，令人回味。
繼續閱讀
終於去食呢一間book mark咗好耐位於IFC嘅高級中餐，首先一入餐廳就俾佢長而又華麗嘅走廊吸引🤩再入到餐廳裝修風格好奢華，仲可以睇到維港景色。今晚揀左食「世味人生」餐，共有9道菜。職員會好貼心問飲咩茶同上左碟我覺得幾好食的腰果，仲好主動幫我同我朋友影合照👍👍慢煮九層塔蟶子皇配上乾冰的白煙，令到上枱好有儀式感，蟶子皇已經整到一小口方便入口，新鮮彈口，同個九層塔味好夾。前菜三弄：櫻桃蘿蔔，三絲海蜇，風乾醬香鴨翼蘿蔔好開胃，海蜇夠爽口，最欣賞個鴨翼係拆曬肉，食入口可以啖啖肉，唔需要擔心有骨。金腿雪燕烏雞羹食得出係心機菜，烏雞味好出，雪燕增加個口感。脆皮海參 鵝掌個鵝掌炆到好淋好入味，好黏口；脆皮海參真係今晚大推之一，唔好睇個外表唔靚，佢外表整到脆身，再包住好淋的海參，做到外脆內軟，呢個食法我覺得好新鮮🥰🥰珍寶珠係用士多啤梨Sorbet整到好似一枝珍寶珠，俾我哋清新一下味蕾。潮式老菜脯蒸鱈魚魚肉好嫩滑，佢個菜譜加埋嗰油好香。胡椒香蔥生煎雞職員會喺你面前再爆鑊炒香，超多香蔥，而且個雞肉算嫩滑。花膠蝦湯稻庭麵勁大塊炆到好腍嘅花膠，配上大塊蝦乾去整個麵，麵吸晒啲精華。雲石奶凍原來即係芝麻糊奶凍，只係少少甜，奶凍好幼滑，再滲出淡淡嘅芝麻味，為呢一餐作咗一個完美嘅總結。另外我哋都嗌咗杯白酒同香檳，配食呢一餐真係好夾。總括黎講，呢度環境真係好奢華優美，職員服務態度好，又夠細心主動。
繼續閱讀
餐廳裝潢高雅別緻，設有大片落地玻璃，一望無際嘅海景盡收眼底。座位間隔寬敞，私隱度十足，係同朋友輕鬆享受一頓精緻中菜晚餐嘅理想選擇。世味人生set **慢煮九層塔蟶子皇** 作為頭盤，呢道菜相當有誠意。蟶子鮮甜爽嫩，口感煙韌，嚐得出極高嘅新鮮度。搭配獨特嘅九層塔醬，清新嘅香氣同海鮮嘅鮮味互相襯托，層次分明，令人眼前一亮。 **前菜三弄：櫻桃蘿蔔 • 三絲海蜇 • 風乾醬香鵝翼** 櫻桃蘿蔔酸香爽脆，一入口已經瞬間喚醒味蕾。海蜇與翠綠節瓜絲、魚子一同呈上，口感豐富，清新怡人。鵝翼經風乾處理，咬落去濃郁醬香撲鼻，微辣調味恰到好處，整體前菜既精緻又開胃。 **金腿雪燕烏雞羹** 烏雞湯溫潤滋補，鹹香由金華火腿帶出，湯頭被打磨得細膩順滑。表面點綴雪燕，進一步提升湯品嘅滋陰效果。底層加入黑芝麻糊，濃濃堅果香氣與雞湯完美融合，每一啖都係層層遞進嘅味覺享受。**脆皮海參 • 鵝掌** 呢道必試推介，主角係炸至酥脆嘅海參。廚師特別用台灣竹炭粉做炸衣，入口酥香鬆脆，內裏海參保持咗啫喱狀嘅彈性，與外層形成強烈對比。搭配用濃湯熬製嘅骨膠原醬汁，無論視覺定味覺都極具衝擊力。 **珍寶珠** 餐廳自家製嘅士多啤梨雪葩，甜味天然無加糖，清新怡人。建議一齊配搭桃膠食用，冰凍雪葩與入口即化嘅桃膠口感互補，好似一道輕盈又優雅嘅甜品，完美為下一道菜預熱味蕾。 **潮式老菜脯蒸鱈魚** 鱈魚油脂豐厚，魚肉細嫩滑口，帶有淡淡清甜。以老菜脯蒸煮，加入南瓜粒點綴，既有海洋嘅鮮味，又滲出田園般嘅甜香。老菜脯嘅鹹香微妙地貫穿整道菜，令整體層次更加豐富。 **胡椒香蔥生煎雞** 以胡椒、香蔥、薑頭等香料爆香打底，砂鍋上枱香氣四溢。雞髀肉嫩滑入味，香蔥帶出一種自然清香，配合爆炒手法令雞肉更加惹味，香氣同味道都非常突出。**花膠蝦湯稻庭麵** 湯底用蝦長時間熬製，鮮香濃郁，每一啖都係濃縮咗嘅海洋精華。配料用上大塊花膠同瀨尿蝦乾，膠質十足，口感豐富，補而不膩，係一道非常有誠意兼養顏嘅主食。**雲石奶凍** 黑芝麻雲石奶凍滑溜細膩，濃郁香滑，入口即化。作為整個套餐嘅終章，恰到好處，為整晚嘅味覺旅程劃上柔和而滿足嘅句號。
繼續閱讀