影片
更多
2014-03-16
734 瀏覽
是日去開北江整野，就順便食埋野先返屋企，經過麗江，出奇地無人排隊，仲即刻有位，就入去坐低啦...第一次食係食麻辣，但而家除左食譚仔之外，食其他鋪頭既米線就會食酸辣...所以今次都想試下食酸辣，就叫左腩肉酸辣大辣同凍檸茶...腩肉幾大塊，不過食落去竟然係甜既，甜既真係第一次食到，不過都唔錯...米線都幾大碗，份量幾多，米線硬度適中，唔太硬唔太淋，算ok...湯底，一個字...酸，酸到蓋過晒辣味，只食得出小小辣...一碗咁既米線只係普普通通，真係唔明點解可以成日咁多人係出面排隊等食佢...唔洗等位可能都有下次，但如果要等咁耐，我寧願食唔差得過佢既川味...
題外話/補充資料：
食緊野期間有個女人同佢呀媽同個仔3個人入黎食...個仔好細個，可能得5歲倒，佢地就係道睇餐牌選野食，講左一陣，收銀個女人就指住張野之後好串咁同個女人講話:你要留意呢個數字喎...(佢話呢個數字既意思係痴住係收銀個櫃個張野，寫住每位最低消費要$30起)...
我唔明點解講野要咁串囉...等人地叫完真係唔夠數先提人唔得既咩?可能人地一早已經睇到一早知道呢，搞到好似人地無錢俾咁，呢種咁既服務態度真係唔知邊道搵，俾錢食野仲要受氣，笑死...
(以上食評乃用戶個人意見 , 並不代表OpenRice之觀點。)
張貼
