荔軒中菜廳 (已結業)

以往幾年家庭聚會嘅晚飯都會係茘軒，以酒店嘅中餐廳來講，佢嘅價格同那些走中上價嘅大集團連鎖式酒樓都差不多，但服務水準就高好多，唔會有叫人冇人或見你唔到的情況，同坐得都幾舒服，所以今天約了媽咪及大哥嘗試佢哋嘅午市。今天畫點心紙叫了多款點心 - (1) 水晶蝦餃皇、(2) 碧綠菜苗餃、(3) 荷葉珍珠鷄、(4) 黃金花枝丸、(5) 蠔皇叉燒麭、(6) 香芋流沙麭、(7) 香菰棉花雞、(8) 星洲炒蘿蔔糕、(9) 松露鮮蝦腐皮卷 及 (10) 脆皮蘿蔔絲腸粉碧綠菜苗餃、荷葉珍珠鷄、蠔皇叉燒麭、香菰棉花雞 - 水準同出面其他酒樓都差不多，味道都唔錯。水晶蝦餃皇 - 入面的蝦很新鮮，一口咬落去有湯汁流出來，味道非常鮮美，但可惜係蝦餃皮唔合格，有啲厚及硬了點。星洲炒蘿蔔糕 - 講真唔係唔好味，不過衹係加上咖喱粉嚟炒，唔係心目中用傳統嘅做法以黑醬油嚟炒，有啲失望。松露鮮蝦腐皮卷 - 煎得都唔錯，但稱不上特別好味，不過不失。但有點可惜係點上淅醋後，食唔出松露味，我覺得似綽頭多啲，唔加好過加。黃金花枝丸 - 表面的麵麭粒炸得很脆唔油，加上咸蛋黃鑲在花枝丸裏面，咸香味帶出花枝丸嘅鮮味，點上酸甜醬，正！連媽咪