北海道爐端燒 (已結業)

雖然兩個人，但今晚遲左食飯，大家都好餓所以叫多左野食。🍴鷄蛋卷 $58 玉子帶微甜，質感好嫩。🍴神奇炒麵 $62份量都幾多，麵條較乾身，有點油。豚肉好香，冬菇嫩滑。🦐唐揚小海蝦 $48見到每枱都有叫，香脆夠蝦味，送酒一流。🍴日式炸豆腐 $58 外酥內軟，口感味道都唔錯。🍴炸年糕（醬油味）$48醬油味唔太食得出，但口感平比時食既軟淋一D，芝士流心效果唔錯。🍴炸明太子鷄翼 $52外皮脆脆的，入面既明太子份量好多，但唔太食得出本應有既辣味。🍴明太子牛油燒烏賊 $5以為燒係乾身，但實際係濕的，相對喜歡前者。呢個牛油味重，烏賊夠彈牙。🍴辛辣蓮藕 $28同想像中有出入，食落爽脆，味道酸酸辣辣。🍴柚子味噌芝士燒蠔蘑菇 $68材料豐富，有蠔、菇、大量既洋蔥、濃郁既芝士。🍴日本産鷄頸肉 $26唔係度度有有食，食落好有彈性。🍴肉味噌温泉蛋飯 $58賣相似台式肉燥飯，但食落可能醬油關係，好日式豬肉既感覺，份量好多，不過食到最後就有點油。🍴甜瓜冰淇淋小丸子 $52賣相好靚，第一次食蜜瓜味忌廉，雪米滋顏色雖然一樣，但有蜜瓜同菠蘿味。