嵐山日本料理

營業中

休息中

鍾情於日本嘢食嘅我哋，今次又去咗尖沙咀 嘗試未試過嘅日式餐廳啦。 餐廳嘅內部裝修都係以木製嘅日式設計為主，內部環境昏暗。 除咗有指定嘅二人前套餐之外，餐牌仲有好多其他嘅日式食品例如刺身，手卷，火鍋，小食，壽司等等，種類繁多，應有盡有。 刺身有牡丹蝦，帶子，池魚，石鯛，同笠子魚。 整盤刺身色澤擺位漂亮 。笠子魚韌度高， 魚皮 燒得好香， 魚肉卻有少骨。 石雕黏度好高， 肉質鮮甜有根。 帶子爽口，大隻，鮮甜。牡丹蝦亦係大隻爽口。池魚加咗蔥花喺上面，配以特色嘅醋一齊食，味道濃郁。 壽司有鰻魚， 金目鯛同埋海膽。 加拿大海膽鮮甜出眾， 金目鯛較多根，灸燒味道清淡甜美而希焦香。 鰻魚亦燒得好香軟淋。 鮑魚，雞頸肉，銀杏串燒。鮑魚啲汁好香，而且燒得好有焦香味。 雞頸肉好嫩滑，而帶有嚼勁。銀香甜甜地，甘甘地幾特別。 鰻魚飯外貌出眾，鰻魚外層燒得金黃香脆，肉質嫩滑軟淋， 但係白飯較為硬身。 黑豚肉鍋份量夠，好抵食。鍋料仲有金菇，黑豚肉，菇類，菜，魚餅同雞蛋等等。 湯底清甜。 餃子煎得金黃香脆，內裡好多肉汁，肉質綿碎易入口。