寶寶雞煲 (已搬遷) 新店位置

天氣轉凍自然會好想食雞煲/打邊爐，耐唔耐就會想叫埋班friend聚下😆呢度有好多雞煲選擇…見到比較少有既香辣豬仔肚雞煲、椰子走地雞煲，我揀左最signature既寶寶奇味雞煲，仲有唔同辣度提供，要左超少辣級數，值得一讚辣度控制得好好👍🏻有d餐廳小辣得黎都會超級辣> <雞煲醬汁惹味帶點微辣，雞皮同邊位乾脆，推介不嗜辣又想食雞煲既人🤤食完再叫左幾樣餸打邊爐，包括手切新鮮牛肉、薑味豬筋丸、竹笙、枝竹、花甲、唐生菜。原本想食蝦滑/墨魚滑，但睇到有個「必食」薑味豬筋丸忍唔住叫左黎試😆混合左薑汁帶點薑辣，口感彈牙，幾新奇選擇。另外推介「我唔肥但有牛味」既手切新鮮牛肉，牛味香濃，肉質鮮嫩有咬口，我比較鍾意配搭秘製醬料，食落更有風味😋冰凍洛神花茶平時已經好鍾意飲🤤味道酸酸甜甜又健康，用黎搭配雞煲火鍋夠晒解渴。