星‧68 (已結業)

每年到呢個時節，都一定要食下大閘蟹先算係過左秋天。朋友介紹呢間星‧68，話佢有大閘蟹餐，仲要好抵食。呢個餐真係不得了，2位每人$368就有每人3隻大閘蟹（包埋加一服務費和茶芥）大閘蟹係2皇1后，大閘蟹公約重5両，大閘蟹乸約重3両半，真係性價比極高，仲未計前菜，小籠包，粟米羹，糯米飯同甜品。野飲就有陳年彫皇任飲，或者揀「丸•茶手作」特色飲品都得！大閘蟹好似叫「黃毛金爪」高質靚蟹，隻隻都爆膏，好crazy！大閘蟹套餐好抵食，午市(上午11時至下午5時)及晚市8點半後，尊享優惠價$368/位(兩位起)，原價$398/位呢度有靚靚開放式廚房，可欣賞廚師們煮野，餐廳與齊亮畫廊合作，可以欣賞牆上多幅當代水墨畫。臨埋單果陣，侍應姐姐仲提我可以用云閃付銀聯二維碼付款，消費淨額$500或以上，送$50現金券。嘩呢餐真係好誇張，平日就算自己買大閘蟹自己整都唔只呢個價錢，仲要有咁多野食又包野飲。真係要瘋狂推介俾fd子！