25
2
1
港鐵中環站 C 出口, 港鐵香港站 C 出口 繼續閱讀
電話號碼
26280110
附加資料
入口位於砵甸乍街
營業時間
今日營業
11:00 - 22:30
星期一至日
11:00 - 22:30
付款方式
Visa Master AlipayHK 支付寶 現金 八達通 銀聯 微信支付
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
賞訂座積分
加一服務費
當面支付
有關獎賞計劃
食評 (28)
網上見到中環萬宜大廈開咗間新嘅中菜館「⭐️星.68」,七月底前做緊堂食/外賣*68折優惠*,咁鬼抵就一於試下。餐廳入口原來喺停車場旁邊,即係斜路仔。餐廳環境寬闊,燈光明亮,客人自然坐得舒服😊。由於好耐無飲過茶、食過中菜,於是我哋就放縱一下🙈,叫咗個二人餐之餘,再另點其他食物。餐廳算係新派中菜館,創意款式同經典口味任君選擇!餐廳比較特別嘅地方係有同丸茶手作(我最愛嘅茶飲店)合作,即係我可以邊嘆珍珠奶茶、邊食點心🥤。除咗茶飲外,餐廳亦主打滋補燉湯,唔同日子有唔同款式以供選擇😁。68薈萃全盒($108),六款點心包括鮮蝦餃皇、乾蒸牛肉燒賣、臘味煎蘿蔔糕、安蝦鹹水角、青蛙王子同金箔芝麻糕。論賣相無可能唔拎滿分掛💯?拼盤有四款鹹點同兩款甜點,其中🐸青蛙包最吸睛,餡就係豆沙餡,包皮都算鬆軟。另外,鹹水角係較傳統嘅點心,出奇地呢到嘅出品好出色🤤,外皮炸得好脆,但無油膩感,又夠大隻。乾蒸牛肉都唔錯,建議點喼汁食;蘿蔔糕就無乜特別。甜點芝麻糕類似芝麻卷嘅口感,味道濃郁,我唔鍾意食芝麻糊都覺得便幾好食。午市套餐(2位用$276),套餐內容豐富,兼且十分抵食😍。其實齋食佢已經飽哂,不過我哋太為食無計。二小碟: 陳皮牛𦟌、醬香蘿蔔,兩款涼拌小食各有五件,份量啱啱好。其中一款本身應該係京式肴肉,但好似換咗做牛𦟌🐂,食落有啲啲辣;由於醃咗味,所以都唔確定佢係咪真係牛。至於醬香蘿蔔有啲其貌不揚,但又幾爽脆、幾開胃,唔太重口味。即日燉湯嘅款式係海星蘋果龍脷葉燉瘦肉,後尾先發現好似可以轉款,但而家都無損失,因為依款勁好飲😋。首先我相信餐廳係有將個燉湯去油,加上口味唔會過鹹,所以好清爽。第二燉湯好足料,有成隻海星仔同🍎蘋果,同埋大量好有嚼口嘅煲湯瘦肉。我勁鍾意哈哈。雙式點心: 鮮蝦餃皇、花菇燒賣,兩款皇牌點心、每款各二,簡直係完美組合,皆因點心係好食,但都好飽肚😆。蝦餃同燒賣均唔錯,大大粒無欺場,朋友話食落有傳統酒樓點心嘅風味,即帶點豬油香。鳳梨酸甜肉,呢個即係咕嚕肉,味道偏酸,啱配飯。咕嚕肉大小適中,無骨,可以一啖食哂。另外,伴菜有唔少三色椒同菠蘿🍍。原隻鮑魚花菇翡翠,兩隻鮑魚炆得入味,口感爽口得嚟唔會韌,幾正!下低墊住嘅仲有小棠菜同大花菇,同樣地亦係好夠味😛。海參沙葛叉燒粒炒飯,炒飯份量好多,每人分到唔止一碗囉!🍚炒飯好高質,每粒炒至乾身分明,仲好均勻地上哂色,粒粒都帶有豉油鹹香。我哋食得出叉燒粒同沙葛粒,但食嗰時就無為意有無海參。酥炸魷魚鬚($70),我知道餐廳係隸屬鴻星集團,所以酥炸系列係必點項目。🦑炸魷魚鬚真係好鬼正,魷魚本身已經好食,加上佢嘅炸皮酥脆兼夠薄,食完唔會成口粉或者熱氣,果然無令我失望,推介。桑寄生蓮子芋圓茶($39/位),我預咗唔會有西營盤老字號咁好味,但都比想像中好。桑寄生茶帶點甘味,唔會過甜;除咗有名稱所述嘅蓮子同芋圓外,亦都加入咗鵪鶉蛋作配料🥚。題外話,我亦都特別介紹番集團嘅名物,就係作為餐前小食嘅脆脆銀魚🐟,真係好惹味,去親工展會都要入貨!餐牌寫住如果叫特式茶飲,就可免茶水費(每人都成$12),諗落嗌嘢飲仲有著數啵。我哋要咗凍奶蓋芋香奶茶($32)及凍極品鐵觀音($18)加桂花珍珠($6)同經典黑糖珍珠($6)。質素同平日飲開無異,飲品好飲、珍珠好食😙。不過食中餐點都要飲返杯熱茶至啱數,我哋要咗中菜館少見啲嘅格雷伯爵茶🍵,都幾清香。另外,仲有四季春同普洱茶揀。總括嚟講,成餐都令我哋喜出望外,皆因食物、環境同服務方面都好好。雖則佢嘅味道未稱得上好驚艷,但起碼樣樣都叫做有番咁上下水準,份量又多👍。最後亦係重點所在:而家做緊68折優惠真係好抵食,成枱食物埋單都只係四百蚊左右。 繼續閱讀
(以上食評乃用戶個人意見 , 並不代表OpenRice之觀點。)
餐廳:星‧68 (中環)地址:中環德輔道中68號萬宜大廈萬宜廊地下G04號舖紀錄一下29/7全日禁堂食前嘅最後一餐堂食lunch🥺,唔知香港人嘅生活幾時先可以回復正常星‧68係中環一間新派中菜館🥢,疫市期間開咗一個月 多啲,無論係價錢、環境定食物都一樣咁高質,性價比頗高👍🏼。餐廳內除咗有開放式open kitchen之外👨🏻‍🍳,仲有唔少畫作可供欣賞同購買🖼,最值得留意嘅係佢地同丸茶手作做Cross-over🥤,估唔到飲茶都可以真點飲台式飲品😍,買丸茶手作飲品仲免埋茶錢添叫咗個午市二人套餐($278),先黎咗碟京式肴肉同醬香蘿蔔開下胃,之後就飲返碗清甜無味精嘅粉葛赤小豆豬骨章魚湯🍲,絕對係媽媽級嘅味道👍🏼飲完湯就有蝦餃同花菇燒賣、香脆可口而且甜酸適宜嘅菠蘿酸甜肉🍍、炆得好入味又腍嘅原隻鮑魚花菇翡翠,最後仲有足料惹味嘅海參沙葛叉燒粒炒飯😋,每道菜都用料上乘。68折咗即係$200都唔洗就有2款前菜、4款食物同1款湯🥳,真係抵到喊😭咁抵嘅關係,又係最後一餐堂食,緊係要食盡佢!所以另外叫咗個68薈萃全盒($108)同酥脆好味嘅炸魷魚鬚($70)🦑。呢個全盒有隻可愛Keroppi🐸,原來係紅豆包,仲有芝麻糕、蘿蔔糕、煎堆、牛肉球同蝦餃😋,叫黎打卡影相都值回價錢📸️最後緊係唔少得叫埋丸茶手作啦🥳,唔該一杯熱嘅頂級茉香綠茶($18)同一杯奶蓋咖啡拿鐵🥤呀~記住記住!去到31/7,星‧68有堂食同外賣自取點心菜式,同埋丸茶手作飲品68折😻,用呢個超抵優惠買返屋企食,就可以錫住自己健康又錫住個荷包啦😎 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-27
576 瀏覽
好友約我中環新張的星·68嘆茶,餐廳的環境優雅,開放式廚房,食具擺放整齊,牆上掛有水禾田先生的畫。我們點左濃雞湯松葉蟹拑灌湯餃 $68,雞湯底味濃鮮甜,松葉蟹鉗味鮮甜又啖啖肉,餃子皮夠薄,真美味。酥炸魷魚鬚 $70,炸得鬆脆可口。午市套餐$276二小碟有百葉絲和豬手涷,真不錯👍 是日燉湯:三菌螺頭燉竹絲雞,清香又味甜。蝦餃皇、蟹籽燒賣:大大粒,蝦爽口彈牙,超鳳梨酸甜肉,豬肉質嫩滑,炸得外脆內軟,甜酸醬汁配菠蘿片、青椒,真開胃又美味。原隻鮑魚北菇翡翠,原隻鮑魚真夠矜貴,配蠔油杰獻汁,菇質地感軟滑可口,炆得很入味。海參沙葛叉燒粒炒飯,沙葛清甜,义燒味香,飯炒得粒粒分明,很爽口。即日起至31/7,堂食、外賣自取及丸茶手作飲品 68折。見咁抵我們再點:熱黑糖珍珠撞奶$31有68折實是$21 ,不太甜,很不錯。瘋芒畢露$34折實$24.9,冰冰真解渴。叫左飲品不收茶錢,真超超抵。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-27
470 瀏覽
今日想試下新餐廳,就同朋友黎左呢間位於萬宜中心停車場旁邊嘅中餐廳🙈。.原來餐廳由今日起直到31/7都做緊堂食同外賣68折扣優惠,好抵食👍,呢度仲有open kitchen嘅設計,可以睇到廚房煮野,非常有趣😂。.花膠濃雞湯($128)呢個湯夠曬足料,花膠非常厚身,而且味道好濃郁🤤。.鳳梨酸甜肉($98)炸得外脆內軟,而且醬汁酸酸甜甜幾特別😙。.五柳鮮蝦炸雲吞($42)啱啱炸起好脆,點埋個甜酸醬更正😝。.鮮蝦餃皇($48)蝦餃皮夠薄,而且裏面嘅蝦肉好有鮮味😋。.越式軟殼蟹($98)估唔到竟然會有茄子放係底,軟殼蟹再配埋椒鹽嘅調味好惹味😍。.海參沙葛叉燒粒炒飯($128)炒飯粒粒分明,口感極佳,而且仲有少少沙葛增加口感🤩。.燕窩奶皇煎堆($45)第一次試將燕窩同奶皇一齊食,估唔到又幾正,食完都唔會覺得膩👍。.香濃芝士奶蓋x黑糖珍珠撞奶($41)呢度咁出名台式飲料當然要試一杯,奶蓋好濃郁,而且珍珠幾有咬口,值得一試😊。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-24
298 瀏覽
今日得見,在中環工作的人仍是非常多,所以中西美點的餐廳還是開得成行成市,不過場面就比以往冷清一點。這家新的星68,除了老式點心,還有多款前菜,小炒,飯麵,燉湯,二四人餐也滿抵吃的。裝潢也夠有氣派,走高格調的酒樓路線除了午市堂食選擇夠多,外賣也滿抵吃,$68一個燉湯,一個主食,一個台飲~食物:點了二人午市套餐$276京式肴肉,醬香蘿蔔醃蘿蔔偏甜爽口,肴肉不是豬肉反而是牛展,有點驚喜喔~海星蘋果龍利葉瘦肉湯那顆海星超炫目的,整個蘋果在內燉得軟稔,入口即化,湯底清而帶咸香,正~蝦餃燒賣蝦餃的蝦肉非常飽滿,而燒賣也多肉而且花菇香味甚濃驚喜點心是沒有那種強烈味精味,很是少見鳳梨酸甜肉也就是咕嚕肉啦,外皮口感爽脆,脆皮與肉的比例剛好,用的豬肉不會太多肥膏,味香而不羶,鳳梨甜而且沒有渣,很不錯~鮑魚花菇翡翠鮑魚跟花菇炆得很軟稔,小棠菜十分爽脆,不錯喔~海參沙葛叉燒炒飯炒得乾身而且不油,叉燒海參不肥膩,爽脆非常,飯粒粒分別,好功夫!——————————————————————————————辣子雞$128炒得非常乾身,雞肉口感紮實,味道平衡得很好,辣中帶麻,花椒的份量剛好,不錯68薈萃全盒$108明明叫68全盒怎麼不是$68呢XD好啦只是玩笑,這個全盒有蘿蔔糕,蝦餃,咸水角,牛肉燒賣,芝麻糕,紅豆包如果想一人多試幾款菜色,這是不錯的選擇喔~茶中除了中國茶,竟然有西式的伯爵茶選擇!我的最愛耶,而且還兩層杯,再熱的茶拿上手也不會燙到,很好! 繼續閱讀
(以上食評乃用戶個人意見 , 並不代表OpenRice之觀點。)