影片
更多
2022-09-21
1008 瀏覽
秋風起，除咗三蛇肥，亦都係我肥既開始，因為朋友們又開始約打邊爐。朋友話尖沙咀呢間醉胡爐好食, 食物特別又好味，而且啲熟食都好正，我咁順得人當然就let’s go 啦~~ 🤣 湯底有多款選擇，而且有D都好特別，揀咗一輪後最後揀咗佢期間限定既胡爐醉八鮮鍋，貪佢有多款海鮮，職員先炒一炒鍋裏的海鮮，再加酒然後點火，等鍋裏的酒先揮發一下，只保留酒的香味，然後就直接加入龍蝦湯底，職員建議湯底大滾後，先喝一碗湯先開始打邊爐，果然係濃郁龍蝦湯，再加上其他海鮮，2個字：鮮甜！而且海鮮都好多，包括龍蝦、鮑魚、花膠、魷魚、青口、蜆、花螺等等，淨係食湯底既海鮮都半飽 😂另外我地再叫咗： 🥢本地新鮮封門柳 我喜歡食封門柳，貪佢肉質鬆軟，而且牛肉味濃郁，再加上係本地新鮮牛，只要簡單灼一灼就食得，好味😋 🥢招牌炸魚皮 個魚皮好脆，又夠薄又大塊，職員話餐廳自己炸，唔怪得知咁好味，唔似出面打邊爐果D有時會好硬又咸，真係好似食薯片咁脆 。 🥢餃子拼盤 叫咗個餃子拼盤，有5款餃子:黑松露蟹肉餃、手工雲吞、韭菜餃、香茜豚肉餃同魚皮餃，啱晒人少少又想試多D款式，最喜歡食個香茜餃同韭菜餃，好香，而個黑松露餃就夠特別，黑松露味好香
湯底有多款選擇，而且有D都好特別，揀咗一輪後最後揀咗佢期間限定既胡爐醉八鮮鍋，貪佢有多款海鮮，職員先炒一炒鍋裏的海鮮，再加酒然後點火，等鍋裏的酒先揮發一下，只保留酒的香味，然後就直接加入龍蝦湯底，職員建議湯底大滾後，先喝一碗湯先開始打邊爐，果然係濃郁龍蝦湯，再加上其他海鮮，2個字：鮮甜！而且海鮮都好多，包括龍蝦、鮑魚、花膠、魷魚、青口、蜆、花螺等等，淨係食湯底既海鮮都半飽 😂
另外我地再叫咗：
🥢本地新鮮封門柳
我喜歡食封門柳，貪佢肉質鬆軟，而且牛肉味濃郁，再加上係本地新鮮牛，只要簡單灼一灼就食得，好味😋
🥢招牌炸魚皮
個魚皮好脆，又夠薄又大塊，職員話餐廳自己炸，唔怪得知咁好味，唔似出面打邊爐果D有時會好硬又咸，真係好似食薯片咁脆 。
🥢餃子拼盤
叫咗個餃子拼盤，有5款餃子:黑松露蟹肉餃、手工雲吞、韭菜餃、香茜豚肉餃同魚皮餃，啱晒人少少又想試多D款式，最喜歡食個香茜餃同韭菜餃，好香，而個黑松露餃就夠特別，黑松露味好香之餘又啖啖蟹肉 。
🥢蔬菜拼盤（小）
打邊爐點都要叫Ｄ菜，叫咗個蔬菜拼盤，都有好多款蔬菜有生菜、紹菜、白菜仔等，蔬菜新鮮，吸埋個龍蝦湯底，唔油膩之餘仲好鮮甜，即使好飽都食晒Ｄ菜。
張貼
