影片
更多
2022-11-06
112 瀏覽
今日想推介呢間位於荃灣如心廣場入面既Ikigai Concepts，最近推出左期間限定既一人套餐，平時食鐵板燒起碼都要$500以上，餐廳推出秋祭割引優惠，可以用超值既價錢 ($338)享用一人前套餐，鐵板燒、天婦羅同炭火串燒三選一，我同朋友今晚就揀左鐵板燒同炭火串燒兩款套餐，串燒最岩就係送酒，餐廳亦都有考慮呢點，所以食客們可以額外以$100追加2小時無限暢飲七寶札幌啤酒🍻🥗沙律、茶碗蒸、味噌湯、漬物套餐包左沙律、茶碗蒸、味噌湯同漬物，茶碗蒸好嫩滑，入面有蟹肉、冬菇等配料👍🏻沙律新鮮爽脆好開胃😌🌟鐵板燒一人前套餐 ($338)🐠加拿大銀鱈魚 大廚先將魚皮分開，煎到香脆好似薯片咁，魚肉好嫩滑，油脂甘香🥰🥩美國肉眼薄燒/厚燒牛肉可以揀薄燒/厚燒，我地就揀左厚燒七成熟，大廚預先切好左幾件，肉味香濃且有嚼勁，配埋伴碟既炸蒜片同炒雜菜，幾好食😋🍚鐵板蒜香和牛櫻花蝦炒飯食到呢度都飽左大半，套餐仲有個櫻花蝦炒飯，炒到好乾身粒粒分明，加埋櫻花蝦滋味十足💯🌟炭火串燒一人前套餐 ($338)大廚精選左八串炭火串燒，分別係和牛、黑豚腩肉、日本原隻雞翼、虎海老黑豚肉紫蘇卷、免治雞肉棒、日本青椒仔、車厘茄同銀杏，
今日想推介呢間位於荃灣如心廣場入面既Ikigai Concepts，最近推出左期間限定既一人套餐，平時食鐵板燒起碼都要$500以上，餐廳推出秋祭割引優惠，可以用超值既價錢 ($338)享用一人前套餐，鐵板燒、天婦羅同炭火串燒三選一，我同朋友今晚就揀左鐵板燒同炭火串燒兩款套餐，串燒最岩就係送酒，餐廳亦都有考慮呢點，所以食客們可以額外以$100追加2小時無限暢飲七寶札幌啤酒🍻
🥗沙律、茶碗蒸、味噌湯、漬物套餐包左沙律、茶碗蒸、味噌湯同漬物，茶碗蒸好嫩滑，入面有蟹肉、冬菇等配料👍🏻沙律新鮮爽脆好開胃😌
🌟鐵板燒一人前套餐 ($338)
🐠加拿大銀鱈魚
大廚先將魚皮分開，煎到香脆好似薯片咁，魚肉好嫩滑，油脂甘香🥰
🥩美國肉眼薄燒/厚燒
牛肉可以揀薄燒/厚燒，我地就揀左厚燒七成熟，大廚預先切好左幾件，肉味香濃且有嚼勁，配埋伴碟既炸蒜片同炒雜菜，幾好食😋
🍚鐵板蒜香和牛櫻花蝦炒飯
食到呢度都飽左大半，套餐仲有個櫻花蝦炒飯，炒到好乾身粒粒分明，加埋櫻花蝦滋味十足💯
🌟炭火串燒一人前套餐 ($338)
大廚精選左八串炭火串燒，分別係和牛、黑豚腩肉、日本原隻雞翼、虎海老黑豚肉紫蘇卷、免治雞肉棒、日本青椒仔、車厘茄同銀杏，推介大家要試下佢地既免治雞肉棒，加入雞軟骨好有咬口，蘸上蛋汁口感更豐富，虎蝦黑豚肉紫蘇卷都幾特別，估唔到三者配搭又幾夾👍🏻
美國安格斯肉眼稻庭烏冬
烏冬都幾大碗，湯底清甜，烏冬煮到好彈牙，上面有兩大片安格斯肉眼，肉眼油脂分佈平均，好好食😋
🍨甜品
甜品係兩款日式和菓子，一款係鹽漬櫻花，鹹鹹地帶啲花香，都幾煙韌，另一款係抹茶紅豆，食落有啲似草餅😍😍
張貼
