胡爐 (已結業)

今晚一家人去了鑼鑼灣行街，媽媽話想打邊爐，所以就上網搵左呢一間叫胡爐既餐廳。餐廳要坐電梯上去，一出電梯，即刻有私房菜既Feel，店員馬上幫我們安排位置。餐廳有一個個卡位，亦有私人房間，私隱度都幾高。湯底方面，我地選擇金翅花膠乳鴿鍋，呢個湯底好足料，滾左之後可以飲完個湯先加湯打邊爐。我地3個人，一人都飲左3碗。個湯底味道好濃，老火湯嘅風味👍🏻入面超足料，有大大隻花膠，乳鴿，亦都有乾瑤柱，有得飲又有得食👍🏻火鍋醬料都有好多選擇，仲有芫荽👍🏻👍🏻火鍋不可缺少的，一定是牛肉，我們點了手切安格斯肥牛。牛肉肥瘦比例適中，牛味香濃，上等品質，必食之選。蟹子蝦丸，賣相非常美觀。入面有啖啖的蝦肉，咬落去十分爽口，非常有特色。鮮淮山，十分爽口，放湯1分鐘左右就食得，對腸胃又好，打邊爐必食推介。酥炸午餐肉，可以放湯先食，又可以即食。兩種都唔同風味，我比較喜歡放湯，吸晒老火湯嘅味道，午餐肉更加好味👍🏻醉胡爐酒泡鴨舌，這一個是餐前小食，但我們一路打邊爐一邊食。鴨舌有微微的酒味，肉質淋淋的，容易進食，加埋啤酒，一流呀👍🏻整體黎講，餐廳的食品好有私房菜Feel，湯底及食物質素都好高，大家都快啲去試下啦。