神燈海鮮酒家 (18廣場)

營業中

休息中

知道將軍澳有一間，原來佐敦都有。特意黎試下佢個黑松露燒鵝同蜜汁膳。✨黑松露玻璃燒鵝燒鵝皮又薄又脆，滲出陣陣黑松露香。燒鵝肉嫩滑多汁，跟上酸梅汁或燒鵝汁，果然係招牌菜之一。✨啫啫鮑魚雞煲用上南非鮑魚，非常肥美彈牙。雞件亦好嫩滑。整體好惹味，真係啫啫聲，風味十足。✨星洲麥皮蝦麥皮取代炸粉，炒得金黃香甜。大蝦炸得香脆，肉質鮮甜彈牙，整體好香口。✨蜜汁脆燒鱔將鱔用整蜜汁叉燒嘅方法去燒，一樣好吸引。皮脆肉滑，一啲都唔腥。✨薑蔥魚雲煲大大件魚雲，好滑、唔腥，個底仲有好多韮菜。✨神燈小炒王第一次食呢種配搭嘅小炒王，有豬板筋/油炸鬼/腰果/紅黃椒/四季豆等，材料好豐富。甜品仲有杞子桂花糕同牛奶凍。