南瀛水產

燒海鮮最近喺香港都幾熱門，我都唔執輸要食返餐湊下熱鬧，我地就揀左尖沙咀既南瀛水產，就喺金馬倫道好方便🤟🏻公眾假期前夕既今晚係超多人，仲好多人等位，大家一定要book位先😣蕃茄沙律嗌個前菜清清味蕾😋蕃茄好新鮮，一啲都唔會過酸，溝埋沙律菜好味👍🏻東瀛五點盛有三文魚、油甘魚、吞拿魚、帶子同甜蝦。一個刺身拼盤已經有齊我鍾意食既野😆全部都好肥美！南瀛卷呢個卷不得了🙈啲海膽多到成座山咁，仲有甜蝦，同好多好多既呑拿魚蓉、三文魚子，食呢個會好滿足😂蚧味噌甲羅燒🦀開始一系列燒海鮮，先黎個差不多枱枱都嗌既！店員會幫你燒，質感好香好滑，而且調味適當，一啲都唔會太咸😚活貝盛盒必嗌🥰 有鮑魚、元貝、蜆同蠔，隻隻都好大隻好新鮮。店員會落清酒落去燒，更加帶出海鮮既鮮味。個人覺得元貝同蠔係最好食😍梅酒梳打 生啤黎到呢度又點可以唔叫酒呢。加左梳打既梅酒比較易入口，正😛