隨心 (已搬遷) 新店位置

一號風球，無買餸無煮飯無飯食，解決好簡單，就係出街食。好耐無食過新加坡菜，於是揀左呢間。非常非常肚餓，所以係咁嗌，不過一家人食差唔多。前菜要左海蜇雞絲沙律。雞絲軟腍，海蜇爽口，一陣麻油香。海南雞飯最好食😋無骨雞又嫩又滑，配上三個唔同既醬，一流。伴菜木耳酸味味，好開胃。而且原來唔止雞同油飯，仲有濃郁雞湯👍🏻炒貴刁炒得勁香口，唔係咖哩粉亂炒，而係用左黑醬油炒，加埋 油麵變參參，好好食。食食下仲發現有三隻大蝦，好新鮮爽口 🤩XO醬炒蘿蔔糕就食得多，黑炒蘿蔔糕未食過，嗌左，原來係黑醬油加蛋花炒，食唔到蝦米，但有炒蝦米既香，好惹味。為左健康，當然要食菜。嗌左粉絲炒雜菜，粉絲炒得好香好入味，成碟有椰菜花、紅蘿蔔、小粟米芯等。 粟米芯好鮮甜，yummy yummy。食飽飯無甜品，但有甜飲補數。 我要左杯熱檸薏米水，檸味又香又甜🤤成餐充滿新加坡風情，以為自己去左旅行開大餐😂後話：卡位對面一排單邊座，所以一個人食都無問題，哈哈。