鮨一 (厚福街)

營業中

休息中

尖沙咀有間酯一，可以睇住師傅整壽司。今日咁啱同朋友喺尖沙咀行街，就決定喺呢度食晚餐。我哋首先叫咗個白子刺身。白子非常新鮮，而且份量好多，香港唔係好多日式餐廳有。跟住落嚟係真鯛薄切刺身。師傅將真鯛切到薄到透光嘅程度，上面灑咗啲菊花瓣，識落唔單止有魚嘅鮮味，仲有淡淡花香非常清新。我哋都叫咗原條池魚刺身。一上枱擺盤非常靚師傅非常有心機。池魚刺身淡淡厚肉冇腥味。我同朋友秒速食晒。 稿蝦刺身非常鮮甜，四隻絕對唔夠，下次要嗌多啲。熟食方面，我哋叫咗燒鵝肝，免治雞肉串同味噌煮牛舌。燒鵝肝香氣滿溢，鵝肝夠肥，燒得啱啱好。免治雞肉串配上雞蛋，非常有日本風味。而味噌煮牛舌煮到非常軟腍，蘿蔔清甜爽口，湯汁非常惹味，要飲返兩碗先夠。 總括而言，想喺香港食到正宗嘅日本菜，一定要嚟試吓尖沙咀嘅酯一。