一鍋堂 (大鴻輝(荃灣)中心) (已搬遷) 新店位置

聽一班同事講話呢間火鍋店超級好食，更有一班同事差不多一星期食一次，非常誇張！聽佢哋講話要組團一齊食，就同老公一齊報名一齊去，我們12個人早左一星期訂枱，有間房俾左我們，係大枱房，好似VIP錦。我地點左兩個煲，一個係出名嘅藥膳鍋，一個係鯊魚骨湯底，同事二話不說把藥膳鍋推至他們前面，而我前面是鯊魚骨湯底。佢哋非常推薦係未落任何食材之前，就試一口湯，雖然藥膳鍋味道帶出藥材香，但我反而喜歡鯊魚骨湯底的清新，2種湯底都完全不會覺得會有味精。雖然湯底做得很出色，但食材方面都很一般，沒有什麼食物會覺得比較出眾，如果覺得好嘅，應該是牛肉和蝦，牛肉脂肪較少，牛肉味較濃。蝦很大隻和肉質新鮮和彈性，很少有的海蝦那裡鮮。