長阪燒 (已結業)

沒想到旺角竟然會有咁靚嘅居酒屋，呢晚同朋友嚟到砵蘭街一間樓上鋪食日本野，呢到裝修好靚，好多新鮮嘅魚擺放左出嚟比客人選擇，餐廳寫明“日本直送”。呢到有得選擇坐吧枱或者係四人包廂，好適合三五知己夜晚過嚟飲杯啤酒，食下壽司刺身同小食。我哋叫咗兩杯Asahi同野菜天婦羅盛合作為前菜，傾下計先。之後仲有主菜飛驒和牛壽司，海膽軍艦。小食方面有牛舌，佢哋既牛舌唔錯，做送酒小食一流。總結來講，夜晚想係旺角區同朋友飲返兩杯，食下日式小食和壽司，可以試下呢間。