麻辣香鍋

營業中

休息中

終於齊腳可以一家人出去食飯，順便慶祝媽咪生日🥰媽咪生日話晒事講到明想食川菜，我呢個孝順女一定要滿足媽咪嘅要求啦😊大家放工約咗喺旺角呢一間勁就腳嘅餐廳食飯👍🏻餐廳新淨光猛，服務員有講有笑，成餐飯食得好開心🥳蕃茄炒蛋，揀咗個家常小菜，因為之後道道都係辣嘢，所以揀番個蕃茄炒蛋清下味蕾都好😳但千祈唔好睇小碟蕃茄炒蛋，又真係幾好味，酸酸甜甜😆麻婆豆腐，麻婆豆腐勁大碟，嗰陣花椒油真係勁香，而且啲肉碎嘅鹹鮮味又好味😋辣子雞，雞丁依然都係咁嫩，而且一啲都唔油😊香辣海鮮鍋，兩個字，鮮味🤤入邊啲海鮮仲好啱我哋口味，又有鮑魚又有蟹肉又有蝦👅而且啲泡椒好香，麻辣滋味！泡椒田雞，其實我係第一次食田雞，原來係比雞肉更加鮮甜，個辣度又好味！自此愛上咗食田雞😆