影片
更多
2019-11-01
35 瀏覽
呢間我好耐之前已經bookmark左，不過夏天成日行街行到個人勁熱，無乜mood打邊爐。依家天氣涼返啲，終於可以瘋狂打邊爐！-寶哥火鍋係2小時半任食火鍋，除左包七款指定海鮮、八款自選配料之外，仲可以任食幾十款丸類、蔬菜呢啲經典火鍋配料，都只係$198，抵到爛。-加$20可以任飲十幾款汽水、啤酒、燒酒、果汁同茶，其實已經好夠飲，但加$38可以任飲埋竹蔗茅根、咸檸七呢啲特色野飲，超多選擇。-第一次黎唔係好知邊隻湯底出名，店員推介左寶實香辣鍋（事後發現佢地啲中式湯底好似吸引啲），辣度都揀左小辣。味道有少少似唔酸既冬陰公，一開始都唔算好辣，但啲辣椒打到愈後愈辣，都幾惹味。-七款指定海鮮有龍躉、活刀貝、廣島蠔、蟶子、鮑魚、海蝦、大蜆。龍躉魚肉嫩滑，魚皮爽滑有口感。廣島蠔厚身得黎洗得好乾淨，一啲沙都無。鮑魚口感口感滑嫩有嚼勁，好新鮮。-八款自選配料我就揀左封門柳牛肉、安格斯牛小排、牛舌、鯇魚腩、鵝腸、墨汁墨魚丸、手打三寶丸、嚮聆。其實仲有好多貴價配料（E.g.花膠仔、牛坑腩、鱔片、牛心頂、牛骨髓），要揀八款出黎真係好困難。-淨係鵝腸帶膏就知寶哥係真材實料，因為出面大部分餐廳都會清走哂啲膏，咁鵝腸就
-
寶哥火鍋係2小時半任食火鍋，除左包七款指定海鮮、八款自選配料之外，仲可以任食幾十款丸類、蔬菜呢啲經典火鍋配料，都只係$198，抵到爛。
-
加$20可以任飲十幾款汽水、啤酒、燒酒、果汁同茶，其實已經好夠飲，但加$38可以任飲埋竹蔗茅根、咸檸七呢啲特色野飲，超多選擇。
-
第一次黎唔係好知邊隻湯底出名，店員推介左寶實香辣鍋（事後發現佢地啲中式湯底好似吸引啲），辣度都揀左小辣。味道有少少似唔酸既冬陰公，一開始都唔算好辣，但啲辣椒打到愈後愈辣，都幾惹味。
-
七款指定海鮮有龍躉、活刀貝、廣島蠔、蟶子、鮑魚、海蝦、大蜆。龍躉魚肉嫩滑，魚皮爽滑有口感。廣島蠔厚身得黎洗得好乾淨，一啲沙都無。鮑魚口感口感滑嫩有嚼勁，好新鮮。
-
八款自選配料我就揀左封門柳牛肉、安格斯牛小排、牛舌、鯇魚腩、鵝腸、墨汁墨魚丸、手打三寶丸、嚮聆。其實仲有好多貴價配料（E.g.花膠仔、牛坑腩、鱔片、牛心頂、牛骨髓），要揀八款出黎真係好困難。
-
淨係鵝腸帶膏就知寶哥係真材實料，因為出面大部分餐廳都會清走哂啲膏，咁鵝腸就可以雪藏耐啲。有膏既鵝腸食落去真係香口好多架～ 同埋一定要叫響鈴，新鮮炸出黎好鬼鬆脆！
-
手打丸類黎講，我推介牛丸！超重牛味同口感超彈牙！！而男朋友就中意墨汁墨魚丸多啲，墨汁濃郁，同平時食個啲墨魚丸好唔同。
-
其實食完上面個十五樣野已經夠飽，不過都要食下其他配料同蔬菜！雲吞大大粒，啲蝦夠彈牙。白蘿蔔清甜無渣。山水豆腐係百X好滑好濃豆味個種，唔係出面食任食個種無豆味既硬豆腐。
張貼
