中國冰室 (已結業)

今日黎左依間冰室食野,真係好鍾意去依D冰室食野,有種特別既味道,所以先鍾意黎,首先叫左依個加央多士,佢應該都係自家制,佢依D加央醬算係控制得好好,起碼依個唔會話太甜,雖然份量係比較小,不過咁樣食落其實都唔錯,淡淡地口食落仲正,之後就係一個叉燒雙蛋通粉,依個係常餐黎既,叉燒就係用半肥瘦,另外通粉係用D舊式既厚通,食落口感唔錯,依個半肥瘦叉係真係好好食既,另外依個湯底都非常之濃厚,兩樣夾埋黎食非常好,另外依個非常推介就係雞脾炸薯條,佢個雞脾真係無得輸,同隻手掌差唔多大,雖然望落係比較乾身既,一啖咬落去,肉汁已經慢慢流出黎,非常好,外脆內軟,望似平平無其既雞脾其實係驚喜十足,熱奶茶既茶香夠哂香,奶都算幾滑下,唔會有太重既澀味。