鼎王麻辣鍋 (金巴利道) (已結業)

打邊爐之中如果要我選擇最有特色嘅一款，麻辣火鍋就係我既第一位！來自台灣既鼎王麻辣鍋，之前朋友喺台灣食過話好食，黎到香港唔知又係點？IPad點菜，非常方便，唔使等人！湯底就一邊辣一邊唔辣，辣就叫左少辣，朋友就覺得少辣都辣，自己就接受到，佢d「麻」真係好high！一大壺花茶，第一次打邊爐唔使錢有好野飲。重要好好飲。第一次食蛋皮餃，其實我覺得同其他餃分別不大，只係口感比較淋，食落有蛋香。一客8隻，份量好多好抵食。響鈴真係比較失色，沒有鬆脆既口感，不過打邊爐唔食響鈴係唔得架，同埋d湯咁好味，乜都補返曬！川丸子細細粒好彈牙，味道一流，真係「丸」不可以貌相！菜就一定要點，非常爽口，新鮮！火鍋一定要有牛，牛肉非常鮮味，配麻辣完全冇得輸，份量多返d會更好！其實全餐既主角係任食鴨血，配麻辣真係好有風味，重點係非常好食，完全無揸流攤！