Beefar's 鹿兒島燒肉

營業中

休息中

今日收工之後真係勁攰，好彩朋友都係約我去尖沙咀食飯，不過見到餐廳之後真係咩都精神晒！ 一入門口已經聞到勁香嘅牛味，而且坐低就發覺地方都好乾淨，完全唔會覺得好油膩或者癡立立，當然啦，食物都真係勁好食！同埋都要稱讚一下呢度嘅店員，個個都勁好禮貌，而且會好細心咁樣教你每一樣嘢應該點樣去燒，真係好仔細。橫膈膜燒肉片配鹽蔥醬呢個超好食，厚度剛剛好，口感亦都一流，肥瘦均勻，食完好滿足。辣汁螢光魷魚配青柳貝呢個勁特別，首先要自己將螢光魷魚同青柳貝倒入醬汁嗰度，再上爐燒，食到鮮甜嘅味道之餘都有啲甜甜地嘅醬，真係幾好味 半熟澳洲封門柳香蔥石鍋飯都有好多肉嘅份量，加埋石鍋飯有少少飯焦同埋蒜片嘅份量剛剛好，店員細心咁樣幫我哋攪拌好之後熱辣辣咁食真心正！極上牛肉湯麵呢個有啲似韓式嘅辛辣麵，辣辣地咁樣食得好過癮，加埋啲蔬菜都煮得好腍，重點就係隻蛋！因為讚好咗社交平台，所以就可以免費要蒜香蟹籽燒扇貝兩隻 ❤️ yummy！