Mimila (已結業)

Grad左之後都好少再去沙田啦，今次一去發覺好多野都唔同事，人事物包括餐廳都係！今次去左呢間位於新城市7樓既餐廳，專係食星馬泰野，岩晒呢啲天辣辣既天氣！我地嗌左個白胡椒豬骨湯加白飯，仲有喇沙手撕雞湯麵同埋一個老巴剎雞翼。由於我喉嚨痛，所以嗌左杯熱既馬拉奶茶☕️。呢杯奶茶有啲似泰國既泰奶茶，但佢無咁甜亦都無落咁多煉奶，所以入口好重茶底味！至於我食個個喇沙手撕雞湯麵🍜湯底好濃郁有正宗馬拉既風味，入口辣辣地咁雖然我喉嚨痛，但都好彩仲頂得住呀hehe