Wooloomooloo Prime

營業中

休息中

今次係第二次幫襯，上一次已經係幾年前啦。去之前睇返之前嘅食評，都有話食咗之後唔舒服，我自己去過，又冇事，所以冇特別顧忌。疫情底下，只有窗邊嘅枱係坐滿嘅，後面咁岩有一枱6位普通話女士在慶祝生日，都有少少驚🤭 望住夜景食飯，又的確係好舒服嘅。餐廳侍應服務都好好，我同先生分別叫咗兩個頭盤，兩份牛扒，同埋一個甜品。食嘅時候都冇問題，價錢係 overpriced，比起洲際 steakhouse, Ruth’s Chris 好似仲貴啲。牛扒都算腍，但係就唔係好夠肉味。我自己就冇事，老公三個鐘頭之後開始覺得唔舒服，覺得發冷同作嘔🤮終於嘔左兩次，將$600沖曬落🚽，跟住佢就話舒服晒！佢都有分享佢份牛扒俾我食，但我自己就冇事，所以唔知係咁啱，定係得咁橋了——