巧得鍋 (已結業)

巧得鍋觀塘工廈不嬲都隱藏左好多美食，今次嚟到朋友介紹嘅巧得鍋，真係巧得！餐廳離地鐵站大約行5分鐘，唔算好難去。亦都係因為工廠大廈嘅關係，餐廳入面好闊落，我同朋友兩個人佢俾咗張四人枱我哋，非常夠大！由於我哋兩個面對着咁多美食揸唔到主意，所以就決定叫巧得set! 呢個set最好嘅地方就係可以唔使加錢就有得試最貴嘅湯底—- 玉竹薏米乳鴿鍋，仲要係用鯊魚骨煲出嚟嘅湯底，個人十分建議打邊爐前試兩啖！個鍋一上嚟嘅時候會俾佢原隻乳鴿嚇一嚇，冇諗過真係咁足料，巧得！前菜有麻辣雲耳同埋涼拌蓮藕，兩個小菜都有芝麻非常香口，為接下落嚟嘅大餐揭開序幕！既然係嚟打邊爐嘅，我哋就選擇咗牛肉拼盤！呢個牛肉拼盤真係不得了，我哋完全估唔到會咁足料同埋有咁多款唔同部位嘅牛肉，上菜嘅時候侍應會介紹一次！呢度嘅牛脷同牛柳粒都十分出色，好重牛味，亦都好新鮮！巧得大拼盤入面嘅海鮮亦都好新鮮好大隻，平時唔算特別鍾意食帶子嘅我，都覺得呢度嘅帶子好好味！牛肝菌羊肉餃嘅味道亦都好新奇，平時出面好少食到呢啲特別口味，值得一試！蔬菜拼盤亦都大大份，擺到成個花盆咁！啲菜都好新鮮！呢度嘅食物全部都好大份，所以咁大張枱係必須嘅😂😂打邊爐點少得嘢飲