炳記茶檔

營業中

休息中

呢度唔太難搵，係天后地鐵站C出口向住銅鑼灣道行就見倒，見其他人既食評多數都食豬扒麵，我都整返個，再加杯凍檸茶，碗麵應該係出前一丁黎，雖然我個人唔係話偏愛出前一丁，但佢煮得真係相當有水準，平時食開我媽煮果d已經覺得好好食，但佢呢度煮得仲好，豬扒係切開細件咁上，睇個賣相都知好夠味，淋又唔會太淋，幾有咬口。不過杯凍檸茶水準就只可以算緊緊合格，整體雖然算係滿足既一餐，不過埋單$30以呢d茶檔黎講算係比較貴。