FireBird

營業中

休息中

今日來到銅鑼灣，朋友話一定要食日本嘢，串燒可以慢慢食慢慢傾慢慢飲。Firebird三代目軟殼蟹沙律~沙律堅係好食，軟殼蟹剛剛炸起，蔬菜新鮮爽脆，配埋沙律醬汁越食越醒胃。火山熔岩鮭魚卷~呢個做法都好出色，鮭魚卷輕輕炸過，配合有少少辣嘅醬汁，多重口感特別滋味。特上牛肉串燒盛合~總共有五款串燒，大蔥牛柳粒-勁肥美，特別juicy，入口即溶，正！牛舌串燒-燒得香口，夠爽；金菇肥牛卷-香葱菠菜牛肉卷-秋葵串燒-健康蔬菜。自家製免治雞肉棒(配鮮蛋黃)~加入雞軟骨，咬落有口感，沾上鮮雞蛋黃，更提升雞肉棒味道。明太子自家製免治雞肉棒~這個味道比較香濃，最佳送啤酒。牛舌鰻魚丼~即叫即做，新鮮熱辣辣燒起牛舌，仲有肥美鰻魚，配合熱哄哄嘅米飯，不知不覺吃多兩口。士多啤梨mocktail~餐牌見到已經好吸引，真面目更加是打卡好良伴，輕輕吸一口，香香甜甜，很受女士們歡迎。