影片
更多
2019-01-30
2652 瀏覽
回顧過去一年沒有休止地工作，終於是時候停下來休息，回饋努力的自己，然後新一年繼續不斷挑戰！ 呢晚放工特地來到尖沙咀，獎勵自己禮物之餘，更加重要係慰勞小胃子。六公館一直都係我既想食list入面，平時都唔易walk in，所以今日一早已經book定，book果時冇指定要窗邊位，但好幸運地可以係窗邊用膳，未食野前已經飽覽維港既夜景啦。值得一提係呢度周到既服務，由入黎一刻已經感受到，入座前侍應會因為客人要經過而停低讓出空間，上座後一直主動加茶添水，點餐時亦會提醒客人份量是否已足夠和推介菜色。上菜既速度算快，而且主次有序：龍眼蜜西班牙馬黑豚叉燒 $318Roast iberico pork with honey sauce傳統叉燒以豬肉塗上生抽、蒜蓉、麥芽糖、南乳、五香粉和米酒等製成既叉燒醬燒製而成，呢塊叉燒用半肥瘦黑豚肉，口感更加鬆軟，而且龍眼蜜塗面香甜之餘亦脆口👍伴碟既提子乾加啖茶可以清一清口腔中叉燒濃郁既味道，食下一道美食。沙煱茴香乾燒東星斑 $268pan fried grouper fillet with fennel朋友中意既黑鱈魚冇晒轉東星斑，斑塊蘸蛋漿和生粉後炸，之後回鑊上芡汁，
值得一提係呢度周到既服務，由入黎一刻已經感受到，入座前侍應會因為客人要經過而停低讓出空間，上座後一直主動加茶添水，點餐時亦會提醒客人份量是否已足夠和推介菜色。
上菜既速度算快，而且主次有序：
龍眼蜜西班牙馬黑豚叉燒 $318
Roast iberico pork with honey sauce
傳統叉燒以豬肉塗上生抽、蒜蓉、麥芽糖、南乳、五香粉和米酒等製成既叉燒醬燒製而成，呢塊叉燒用半肥瘦黑豚肉，口感更加鬆軟，而且龍眼蜜塗面香甜之餘亦脆口👍伴碟既提子乾加啖茶可以清一清口腔中叉燒濃郁既味道，食下一道美食。
沙煱茴香乾燒東星斑 $268
pan fried grouper fillet with fennel
朋友中意既黑鱈魚冇晒轉東星斑，斑塊蘸蛋漿和生粉後炸，之後回鑊上芡汁，魚肉新鮮彈牙，可惜醬汁味道比較濃，突出唔到鮮魚既清甜。話雖如此，魚肉既彈性顯示出廚師處理得很有經驗，食材優質。
杏汁花膠貝菜膽燉白肺 $148
Almond Jus with fish maw, chuanbei and pork lung
白肺即係豬肺，呢款湯水一定會係餐廳飲，因為白肺處理繁複，豬肺要用流水灌洗，用叉在豬肺表面打孔，讓污水排出，反覆步驟；豬肺切件後汆水，撈起瀝乾。 用白鑊加入薑片，將白肺炒至略為乾先可以燉煮。冬天飲真係好滋潤養顏，杏香撲鼻，湯壺用蠟燭恆溫，每呷一口都暖入心，加上花膠晶瑩，啖啖都補充緊膠原。
松茸羊肚菌海鮮燴飯 $308
Braised pearl rice with matsutake mushroom , morel and sea urchin
集山珍海味既精華於一身，每一啖飯都好感動! 羊肚菌係一種野生珍貴菌，由於它的菌蓋表面凹凸不平，狀如羊肚，故名羊肚菌，因為含多種氨基酸，味道獨特而且鮮美，粒粒飯都好濃郁既羊肚菌味，海膽反而係增加creamy 既口感同提鮮。
拍蒜黑醋乾煸津菜芯 $138
stir fried Chinese cabbage with garlic
炒得好夠鑊氣，蒜頭同辣椒增添惹味，難得地唔會油。
食完主菜後輪到甜品，中菜館既甜品從不會期待太高，六公館實在係令人喜出望外。
腐竹慕絲配山莓啫喱 $148
mousse口感輕盈，味道分明係腐竹雞蛋糖水，仲帶有些少薏米銀杏味，傳統糖水以西式甜品方式呈現，絕了！ 山莓啫喱甜甜酸酸刺激味蕾，好難唔會一啖接一啖咁食。
茉莉花味意式奶凍 $148
呢道係餐廳推介既甜品，奶凍以茶杯上，表面一層茶色薄薄的啫喱，好清新既茉莉花味，下面既奶凍凝固得唔會太挺身，有日式奶凍既口感，奶既香濃已融入茉莉花香中，十分出色。另外兩粒朱古力泡芙有神奇既點睛效果，食完成粒再食一口奶凍，茉莉花香味更突出。
呢頓晚餐口腹之慾同心靈也得到滿足，味道、環境、服務都係一流，有如此質素價格真係非常合理，下次待續 !
張貼
