更多
2018-10-05
2257 瀏覽
今日有人忽然興致到話想去Happy Hour喎， 但其實我忙左成日鬼咁肚餓，空肚去飲唔多掂噃🤔！於是朋友就揾左呢間日式燒肉放題，五點半就有得開吃？！做乜咁跳躍呢， 明明話飲野， 我只係話唔想空肚飲啫， 都唔使直跳去放題架😅。朋友就話我去到就明架喇。現今香港地大部份人氣食店都採行一晚兩輪制，我其實唔多鍾意， 因為有時限食野好有壓力， 但呢間有兩個半鐘， 比一般長應該足夠。入座不久服務生就送來三盤食物， 分別是刺身拼盤、海鮮盤及日式燒肉拼盤，話等我地可以舒舒服服每款都試下，食完就可以就住喜好再encore (海膽除外😜) 。而呢度最大嘅特點就係飲品都係放題，而且選擇唔係一般嘅多，而且超！級！多！有齊啤酒汽水果汁冰茶不特止，仲有紅酒白酒清酒梅酒柚子酒通通都係全包，餐後仲可以泡番杯熱茶，三角茶包內係原片茶葉嚟，十分有誠意👍👍👍。而我終於明白點解朋友會帶我嚟呢度喇，事關我地咁鍾意飲酒，呢個價錢去出面Happy Hour加點佐酒小食其實分分鐘都差唔多。而家陣我地仲可以食到好野喎，而且環境唔錯，坐位寬敞，地方唔會太嘈方便傾計🤗🤗🤗。先試刺身拼盤，雖然唔係頂級貨， 但刺身都算新鮮，油甘魚同甜蝦最好味，
現今香港地大部份人氣食店都採行一晚兩輪制，我其實唔多鍾意， 因為有時限食野好有壓力， 但呢間有兩個半鐘， 比一般長應該足夠。
入座不久服務生就送來三盤食物， 分別是刺身拼盤、海鮮盤及日式燒肉拼盤，話等我地可以舒舒服服每款都試下，食完就可以就住喜好再encore (海膽除外😜) 。
而呢度最大嘅特點就係飲品都係放題，而且選擇唔係一般嘅多，而且超！級！多！有齊啤酒汽水果汁冰茶不特止，仲有紅酒白酒清酒梅酒柚子酒通通都係全包，餐後仲可以泡番杯熱茶，三角茶包內係原片茶葉嚟，十分有誠意👍👍👍。而我終於明白點解朋友會帶我嚟呢度喇，事關我地咁鍾意飲酒，呢個價錢去出面Happy Hour加點佐酒小食其實分分鐘都差唔多。而家陣我地仲可以食到好野喎，而且環境唔錯，坐位寬敞，地方唔會太嘈方便傾計🤗🤗🤗。
先試刺身拼盤，雖然唔係頂級貨， 但刺身都算新鮮，油甘魚同甜蝦最好味，海膽都OK可惜冇得再點，但飲住清酒酒食刺身，實在好享受😍😋。
佢地清酒有兩款，另有一款梅酒同一款柚子酒， 愛飲日本酒嘅我，真係可以飲到番本架🤣🤣🤣。
食完簡單嘅刺身，就要開始幹活了-->動手燒海鮮🤭
其實海鮮not my favourite, 因為我懶剝殼，但佢啲海鮮又唔錯噃，啲螺幾鮮甜，鮑魚仔都唔錯，嘆埋梅酒就perfect👍。
原條喜之次一夜干，味帶咸香，肉質挺實，烤完更香口。
酒過三巡之後，到主角出場喇， 身為食肉獸嘅我掛住食唔記得影飲過嗰兩款啤酒添😁🤭😅。日式燒肉盤中我最鍾意🐂助骨同🐖拖羅，其實睇相見到脂肉均稱就知一定好味啦，特別係豚拖羅，肥肥地烤香之後啲肉咬落好爽口又有脂香，我忍唔住仲encore左一份添🤭🤭🤭。
仲有個豚西冷，少少油脂令到肉質更嫩滑😋。
除左三大盤主角之外， 佢仲有天婦羅、燒波蘿、日式沙律同鍋物等等等等， 全部都可以無限添加👍👍👍。其中枝豆就最啱用嚟佐酒啦。
食埋個泡菜什菜鍋配飯，個湯夠滾燙，帶微辣，加飯自制泡飯好好味架😜
飲飽食醉之大大後食番杯雪糕甜甜地作結，佢地除左冇得輸嘅movenpick之外，仲有榴槤雪糕等其他選擇。
張貼
