影片
更多
2020-10-06
64 瀏覽
之前睇到一篇startup既報導, 知道棋子燒鵝係子承父業, 係深水埗開左分店, 棋哥燒鵝一向口碑好, 相信棋子取其頭銜, 一定有番咁上下水準掛!以前都會專登去深水埗食燒鵝, 不過自從食開個間質素越泥越差, 已經好耐無食, 今日出開黃金買d野, 醒起棋子, 就突登搵下係邊, 原來一出站行幾步就到, 好方便。大大個棋子燒鵝招牌, 對落就見係燒味部, 入面環境乾淨企理, 食燒味黎講依度算好乾淨舒適!老火靚湯味道清甜唔會好油, 飲完唔會口渴, 入面有好多豬骨同蘿蔔, 幾足料, 唔係味精湯!原隻燒鵝脾飯既然咁耐冇食一食就食好D, 叫原隻燒鵝脾啦! 大大隻燒鵝脾切得整整齊齊, 外皮挺身, 上色均勻而且色澤油潤, 只睇賣相都好吸引。鵝皮入口香脆, 肉質妯嫩, 肥瘦均勻而且非常入味, 特別係近腩位位置, 味道濃郁到盡頭, 一啖咬落去, 我話佢係爆汁都不為過, 滿咀油香超滿足!! 配埋酸梅醬味道更有層次!燒鵝雙拼瀨粉揀左燒鵝拼腩仔, 哇! 燒鵝係上脾位, 加上6舊厚身腩仔, 賣相好靚! 燒鵝一樣係皮脆肉嫩, 唔會因為係叫雙併而質素參差。腩仔皮脆卜卜, 肥瘦相間層次分明, 一DD豬酥味都冇, 咸香又
以前都會專登去深水埗食燒鵝, 不過自從食開個間質素越泥越差, 已經好耐無食, 今日出開黃金買d野, 醒起棋子, 就突登搵下係邊, 原來一出站行幾步就到, 好方便。
大大個棋子燒鵝招牌, 對落就見係燒味部, 入面環境乾淨企理, 食燒味黎講依度算好乾淨舒適!
老火靚湯
味道清甜唔會好油, 飲完唔會口渴, 入面有好多豬骨同蘿蔔, 幾足料, 唔係味精湯!
原隻燒鵝脾飯
既然咁耐冇食一食就食好D, 叫原隻燒鵝脾啦! 大大隻燒鵝脾切得整整齊齊, 外皮挺身, 上色均勻而且色澤油潤, 只睇賣相都好吸引。鵝皮入口香脆, 肉質妯嫩, 肥瘦均勻而且非常入味, 特別係近腩位位置, 味道濃郁到盡頭, 一啖咬落去, 我話佢係爆汁都不為過, 滿咀油香超滿足!! 配埋酸梅醬味道更有層次!
燒鵝雙拼瀨粉
揀左燒鵝拼腩仔, 哇! 燒鵝係上脾位, 加上6舊厚身腩仔, 賣相好靚! 燒鵝一樣係皮脆肉嫩, 唔會因為係叫雙併而質素參差。腩仔皮脆卜卜, 肥瘦相間層次分明, 一DD豬酥味都冇, 咸香又香口。至於瀨粉亦唔馬虎, 滑溜既瀨粉口感爽而不韌, 唔會散修修, 可以輕鬆夾起, 配上清淡既上湯, 配燒味一流!
套餐仲包埋野飲, CP值堅高, 今餐真係我近年黎食過最好食既燒鵝, 有d料到, 絕對會回頭, 希望佢keep住依個高質素!
張貼
