Walter Bistro (智選假日酒店) (已結業)

今日同老豆去了觀塘酒店食半自助午餐，包任食沙律、頭盤、湯及甜品等，另外再一人自選一款主菜，最平的百元已有交易，非常抵食。沙律吧有沙律菜、粟米、青瓜等，可自行配搭喜歡味邊及醬汁，還有一些已調配的薯仔及雜果沙律，味道不錯，沙律菜新鮮爽脆。旁邊還有兩款火腿，味道正正常常，唔算特別，反而有幾款芝士配搭餅乾，芝士咸香適中，口感有硬有軟。餐湯味道就比較一般。老人家都係仲意食中餐，所以要了海南雞飯，雞皮唔算太肥，肉質嫩滑，唔會成陣雪雞味，可惜無配油飯。我就要了香煎鱸魚，表皮煎得都幾香脆，魚肉雪白嫩滑，加上羅勒汁，味道既香又不會搶掉肉鮮味。最後一定要食埋個甜品，款式都唔少，有麵包布丁、拿破崙是我至愛，外層鬆脆加上甜蛋王醬，超正。