蘇山雞飯

營業中

休息中

天氣凍，自然想食熱辣辣暖粒粒嘅食物🤣重點1白胡椒肉骨茶配飯+油炸鬼 $83白胡椒茶同平時傳統嘅味道好大分別傳統偏藥材味濃啲👅白胡椒茶以胡椒味行先，湯底清清地，好易入口😋會唔覺唔覺飲咗一碗😂非常欣賞油炸鬼嘅香脆，點湯食都好吸味重點2 海南雞飯🐔$78啲油飯粒粒分明，染滿咗雞味😆雖然有雞胸，不過雞肉都仲好嫩🤣重點3小食拼盤嘅春卷、參巴醬通菜都想推介🥳春卷餡料好豐富，咬落去啲料爆出嚟💦通菜個醬汁辣辣甜甜地，食完會再想食🤤飲品叫咗杯恐龍美祿 朱古力味好濃記得攪勻先飲 如果唔係個底仲會有好多美祿粉🤣，仲見到好多人食咖央多士 好邪惡😈因為食物分量都好多，唯有留返下次食🙁