影片
更多
2020-11-23
627 瀏覽
晏晝又同同事搵食，早啲出門口去搵位，因為無得預約留座的。五個人點咗4個lunch set加一個A la carte signature卡邦尼 pizza (即係五個批啊!) 前菜四款試勻晒，每碟份量唔大 (因為大的話，根本食唔到之後嘅PIZZA)。BURRATA 正常味道，橄欖油雖然多咗，但係整碟配埋都唔油膩，個炒菇好有汁添。ORTADELLA 粉紅嫩身同平時見到咁，好吸引，咬落去都係滑嫩，嗰微微脂肪豐富咗成個口感，如果可以配埋芝士就好開心啦。LETTUCE SALAD 基本都係新鮮沙律菜配埋黑醋，選用咗鵪鶉蛋，口感比起雞蛋更彈牙。菜係堅新鮮，室溫入口，爽口"沙沙"聲。黑醋無偏酸，甜度重啲啲，口感GOOD! TUNA SALAD 整碟驚喜不大，吞拿魚似係平日罐裝吞拿用但係唔係魚蓉係實肉。至於4款PIZZA分別係MARGHERITA、REGINA、GORGONZOLA E FICHI、NDUJA。廚師同店員都好好咁安排，分次序上，並無一次過上晒咁多款PIZZA，亦都安排濃味嘅後段時間上。MARGHERITA、REGINA都係正常之選，基本款式無唔好食。NDUJA意式辣腸薄餅有少少辣口感，
五個人點咗4個lunch set加一個A la carte signature卡邦尼 pizza (即係五個批啊!)
前菜四款試勻晒，每碟份量唔大 (因為大的話，根本食唔到之後嘅PIZZA)。BURRATA 正常味道，橄欖油雖然多咗，但係整碟配埋都唔油膩，個炒菇好有汁添。ORTADELLA 粉紅嫩身同平時見到咁，好吸引，咬落去都係滑嫩，嗰微微脂肪豐富咗成個口感，如果可以配埋芝士就好開心啦。LETTUCE SALAD 基本都係新鮮沙律菜配埋黑醋，選用咗鵪鶉蛋，口感比起雞蛋更彈牙。菜係堅新鮮，室溫入口，爽口"沙沙"聲。黑醋無偏酸，甜度重啲啲，口感GOOD! TUNA SALAD 整碟驚喜不大，吞拿魚似係平日罐裝吞拿用但係唔係魚蓉係實肉。
至於4款PIZZA分別係MARGHERITA、REGINA、GORGONZOLA E FICHI、NDUJA。廚師同店員都好好咁安排，分次序上，並無一次過上晒咁多款PIZZA，亦都安排濃味嘅後段時間上。MARGHERITA、REGINA都係正常之選，基本款式無唔好食。NDUJA意式辣腸薄餅有少少辣口感，但係感覺似係辣椒仔嗰種過口癮辣，小小地一塊係幾好，但成個應該真係會幾辣。GORGONZOLA E FICHI 一拎出嚟，嗰種藍芝士味撲鼻，未入口都覺得好吸引。咬落口，芝士完全唔臭，"漏"出嚟嘅芝士暖、綿，配埋個薄薄地脆身餅底，每啖都喺個口腔入面留香，真係齒甲留香！
單點一個嘅卡邦尼薄餅真係無得輸，唔好以為只係個卡邦尼意粉放咗係個薄餅上面，係兩回事嚟！雖然同埋GORGONZOLA E FICHI都係芝士，但係鵪鶉蛋、蕃茄醬、Mozzarella加埋個流心鵪鶉蛋黃，賣相吸引不在話下，個鵪鶉蛋嘅蛋香、滑味同雞蛋完全唔同，加咗喺脆口嘅焗咸咸地煙肉上面，唔會係平時食到嘅味道！越食越起勁，要咀嚼但唔膩。
兩個女仔點一個餐，絕大機會食唔晒，而且好難再試其他薄餅味道，建議雀仔胃女孩幾個嚟SHARE好啲！絕對推介GORGONZOLA E FICHI同卡邦尼薄餅！下次可以試下幾個人嚟食夜晚飯，可能氣氛又唔同啲~
張貼
