更多
2020-11-14
3224 瀏覽
今日行完大帽山就搭多幾個站巴士去雷公田村，喺村口見到話農場唔開放直至另行通知即刻好灰，但係橫掂都嚟到都諗住入去睇吓，點知原來只係冇堂食，可以買外賣喺出邊食！有失而復得嘅感覺。其實喺村口度應該加多句: 「只歡迎買外賣。」門口好易認：有一大舊石油上好似黑白牛嘅pattern. 好欣賞佢嘅創意，簡單又易明。就買咗燉奶，我嗰個係熱，又滑又濃，朋友凍熱都食左，話熱好食啲。之後飲佢嘅牛奶，平時我唔飲牛奶，今次朋友俾咗啲我試，真係好少牛奶冇嗰浸”so”味。可能只做外賣關係，餐牌只有幾樣選擇。我可以試到佢嘅燉奶同牛奶已經非常滿足，為今日嘅旅程畫上一個完美嘅句號。P.s.喺村口直行大約10-15分鐘就去到農場，村口有綠色小巴去錦上路西鐵站，對面亦有51號巴士出荃灣
門口好易認：有一大舊石油上好似黑白牛嘅pattern. 好欣賞佢嘅創意，簡單又易明。
就買咗燉奶，我嗰個係熱，又滑又濃，朋友凍熱都食左，話熱好食啲。之後飲佢嘅牛奶，平時我唔飲牛奶，今次朋友俾咗啲我試，真係好少牛奶冇嗰浸”so”味。可能只做外賣關係，餐牌只有幾樣選擇。我可以試到佢嘅燉奶同牛奶已經非常滿足，為今日嘅旅程畫上一個完美嘅句號。
P.s.喺村口直行大約10-15分鐘就去到農場，村口有綠色小巴去錦上路西鐵站，對面亦有51號巴士出荃灣
燉奶
$25
131 瀏覽
0 讚好
0 留言
張貼
