上海小館 (已結業)

酸辣湯，突然好掛住酸辣湯，所以晚飯就算爆場都照樣一個人走黎食囉 ﹗不過今次非常失望呢，係食過最差既一次﹗個湯水汪汪，不香不辣亦不酸，淡而無味既 ﹗唯有自己勁落辣椒油同醋，但都幫助不大，免強地飲晒成碗湯，慘 ﹗紅燒圓蹄，都好多年無食喇 ﹗上次係又一城王家沙食，兩個人都食唔晒要打包囉 ﹗今次仲要係得我一個人食添，真係勁大碟呢 ﹗起初都有信心食得晒，但食左幾舊之後，發覺滯到不得了 ﹗我仲要淨食唔撈飯，最後都係食唔晒。圓蹄炆得非常鬆化，味道又濃郁，肉質軟腍，完全無油膩既感覺，外皮膠得黎又滑溜溜似啫喱喎 ﹗好食 ﹗撈飯食一定好正 ﹗