去滾

營業中

休息中

今晚帶朋友去滾， 其實呢間嘢我都幾鍾意 因為入面啲裝修有我哋香港人嘅style同幾有過人特色， 另外入面其實都坐得幾寬敞同幾舒服呢一樣嘢係我最like嘅。 咁我哋就叫咗以下:酥炸龍蝦球 :餐前小食咁佢又埋沙律醬， 龍蝦球炸得幾脆，幾彈牙，而且我覺得都夠味唔使點沙律醬都可以，作為餐前小食我覺得都ok。蕃茄豬骨薯仔湯底: 蕃茄湯我覺得都幾足料因為佢落咗豬骨去牛仔而且要落咗幾多薯仔喺個湯裏以最重要就係都落咗幾多番茄肉，所以個湯底都充滿著新鮮嘅蕃茄味， 對於唔食得辣嘢的朋友都係好選擇。蔬菜拼盤: 有唐生菜粟米和芋頭， 咁呢本蔬菜就正正常常， 都算係新鮮的。 不過我覺得最好味係粟米因為粟米夠甜。飛魚子鱈蟹柳及鮮蝦雲吞: 雲吞都幾鮮味， 大部分都落咗鮮蝦，都落左咗少少肥豬肉不過蝦勝在夠爽。 蟹柳都可以，不過我覺得雲吞好食啲。海鮮拼盤包括游水海蝦、廣島蠔、象拔蚌及花甲， 咁其實叫咗呢個海鮮拼盤我自己淥完啲海鮮都冇點任何醬料，因為我覺得佢啲海鮮已經夠曬有鮮味， 唔需要再加豉油或者辣醬， 建議大家可以試下廣島蠔或象拔蚌， 因為我覺得呢兩樣都叫大隻及爽口。